සෙකන්ඩ් හෑන්ඩ් වාහනයක් අමාරුවේ වැටෙන් නැතුව ගන්න ටිප්ස් – Tips for buying a used car !

කලබලේට ගත්ත සෙකන්ඩ් හෑන්ඩ් වාහන නිසා දුක් විඳින අයගේ කතා අපි කොච්චර නම් අහල ඇද්ද ?  අපේ සමාජයේ කතාවක් තියනවා මනමාලියක් සහ කාරෙකක් බලන්න කවදාවත් රෑ බෝවෙලා යන්න එපා කියල, මොකද වාහනයක් කියන්නේ කසාදයක් හා සමාන ජීවිතේ ඉතාම පරිස්සමෙන් ගතයුතු වැදගත් තීරණයක් , මේ වැඩ දෙකම කලබලේට කරොත් වෙන්නෙ ලොකු කට්ටක් පසු කාලීනව කන්න වෙන එක. ඉතින් අපි මේ ලිපියෙන් පාවිච්චි කල වාහනයක් මිළදී ගද්දී සැලකිළිමත් වෙන්න ඕනෙ කරුණු කතා කරන්නයි යන්නේ. 

 

  1. බජට් එක

වාහනයක් පළමුවතාවට මිලදීගන්න හිටියත් අප්ග්‍රේඩ් එකකට එහෙමත් නැත්තම් තමන්ගේ වාහනේ විකුණගෙන අලුත් එකකට යන්න හිටියත් ඔබේ බජට් එක හරියට ප්ලෑන් කර ගන්න එක ඉතාම වැදගත්, මේ සඳහා පහත කරුණු සලකා බලන්න.

  • මුලින්ම ඔබ ගන්න කැමති වාහනයේ විකුණුම් මිල ගැන දළ අදහසක් ඔබට තිබිය යුතුයි,  මේ සඳහා ඔබට වාහන විකිණීමේ දැන්වීම් 15,000කට වඩා වැඩියෙන් ඇති careka.lk වෙබ්සයිට් එකේ සහය ලබා ගන්න පුළුවන් – මෙතන click කරන්න
  • ඉන්පසුව ඔබට වාහනය මිලදී ගැනීම සඳහා, ඔබේ අතේ ඇති මුදලට අමතරව ලීසිං පහසුකමක් අවශ්‍ය නම් ඒ සඳහා ඔබට ශ්‍රී ලංකා මහ බැංකුවේ ලියාපදිංචි මුල්‍ය සමාගමක සහය ලබා ගන්න – වැඩි විස්තර – Contact US ලින්ක්
  • ශ්‍රී ලංකා මහ බැංකුව මගින් නිකුත් කල රෙගුලාසි  වලට අනුව, ඔබට ලීසිං පහසුකමක් ලෙස ලබා ගත හැක්කේ, ඔබ ලබා ගන්නා වාහනයේ තක්සේරු වටිනාකමෙන් (Valuation) 70% නොයික්මවූ මුදල් ප්‍රමාණයක්. මේ ගැන වැඩි විස්තර ශ්‍රී ලංකා මහ බැංකුවේ වෙබ් අඩවියෙන් ලබා ගන්න පුළුවන්.
  • ඉන්පසු ඔබ ලබා ගන්නා ලිසිං පහසුකම වෙනුවෙන් ඔබට මාසිකව ගෙවිය හැකි වාරික මුදල ඔබ තිරණය කරන්න ඕනෙ මේක තීරණය කරද්දි ඔබේ එදිනෙදා වියදම් වලට බරක් නොවෙන්න වග බලා ගන්න, එසේම ඔබ මිලදී ගන්නා වාහනය මගින් ඔබට නව ආදායම් මාර්ග‍යක් ගෙනදෙන්නේ නැත්නම් ඔබ එම වාහනය වෙනුවෙන් මාසිකව වැය කල යුතු ඉන්ධන, නඩත්තු, සර්විස්, ඉන්ශුවරන්ස් වැනි වියදම් සඳහා මාසික වාරිකයට අමතරව මුදලක් දැරීමට සිදුවන බව මතක තබා ගන්න, ඔබට මාසික වාරිකය ගණනය කර ගන්න අපහසු නම් මෙතනින් අපිට පණිවිඩයක් එවන්න අපි උදවු කරන්නම් – Contact US ලින්ක්
  • අපි වාහන ලීසිං පිලිබඳ සම්පූර්ණ විස්තර සහිත ආටිකල් එකක් ළඟදීම අරන් එනවා ඉතින් රැඳී ඉන්න අපිත් එක්ක දිගටම – careka.lk FB Page 

Bonus Tip – බජට් එක ගැන කතා කරද්දි කියන්න ඕනෙ ඉතා වැදගත් දෙයක් තියනවා, වාහනයක් ගන්නවා කියන්නෙ හුඟ දෙනෙක්ට සැබෑ කරන්න ආසා හීනයක් තමයි, නමුත් තමන්ගේ ආදායමට වඩා වැඩියෙන් වාහනයේ නඩත්තුවට වි‍යදම් වෙන විදිහට, හොයල බලන් නැතුව, කලබලේට මිලදී ගන්න ගියොත් ඔබ ලෝක අමාරුවක වැටෙන්න පුළුවන්, 

උදා;  අමතර කොටස්වල මිල  ඉතා අධික, ඉන්ධන වියදම වැඩි, නමුත් පෙනුමෙන් හා සැපපහසුවෙන් වැඩි වාහනක් අරන් එය නඩත්තු කරන්න ගිහින් ලොකු අමාරුවේ වැටෙන එකත්, වාහනයක් ගන්නම ඕනෙ නිසා අඩුම ගානකට ඉතාම දුබල තත්වයේ වාහන අරගෙන හදාගන්න මුදල් නොමැතිව වාහන ගරාජ් එකට දාලා අවුරුදු ගන්නන් තියෙනවත් අපි දැකල තියනවා, ඉතින් බොහොම කල්පනාවෙන් ප්ලෑන් එකක් ඇතුව මේ ගැන දැනුවත් කෙනෙක්ගෙන් උපදෙස් අරන් මේ වැඩේ කරන්න කියන එක තමා අපේ උපදේශය.

 

  1. ඔයාගේ අවශ්‍යතාවයට වාහනේ ගලපන්නේ කොහොමද ?
  • ඔබ වාහනය පාවිච්චි කරන්න බලපොරොත්තු වන්නෙ කුමන කාර්‍යක් සඳහද ? එම කාර්‍යට වඩාත් ගැලපෙන වාහනය තෝරගන්න ඕනෙ, 
  • ඔබට අත්‍යවශ්‍ය කරුණු වලට මූලිකත්වය දෙන්න – පවුලේ හැම දෙනාටම ගමන් කිරීමට ඉඩ තියනවද /ඉන්ධන කාර්‍යක්ෂමතාවය/වාහනේ විශේෂාංග උදා; පවර් ස්ටියරින්.
  • වාහන‍යේ පාවිච්චිය සම්බන්ධ කරුණු – උදා: ඔබ වාහනය දිනපතා වැඩි කිලෝමීටර් ප්‍රමාණයක් සඳහා පාවිච්චි කරනවානම් ඔබට වඩාත් ගැලපෙන්නේ හයිබ්‍රිඩ් රථයක්/ නිතර පාවිච්චි නොවෙනවා නම් හයිබ්‍රිඩ් රථයක නඩත්තු වි‍යදම සමග බලද්දී එය හොඳ තේරීමක් නෙවෙයි. 
  • ධාවනය කරන්නේ නගරබදව පමණක්ද නැත්නම් දුර මාර්ග වල/අධිවේගී මාර්ගවල  ධාවනයට කිරීමට අවශ්‍යද ?
  • වාහනේ ව්‍යාපාරයකට යොදාගන්නවනන් බූට්(ඩිකියේ) එකේ ඉඩ ප්‍රමාණය වගේ දේවල්
  • පෙට්‍රල්ද/ඩීසල්ද ? මේ ගැන විස්තාරමක ලිපියක් ඉස්සරහට බලපොරොත්තු වෙන්න – careka.lk FB Page 
  • පරිසර හිතකාමී බව ගැන ඔබ හිතනවාද ?

 

  1. වාහනයක් හොයාගන්න විදි

තෝරාගන්න වාහනේ වර්ගය සහ මාදිලිය ගැන තීරණය කරන්න ඕනෙ ඔබමයි, මොකද ඔබේ අවශ්‍යතා අනුව ඒක වෙනස් වෙන නිසා, මෙතනදී හැඟීමට වඩා අවශ්‍යතාවයට මූලිකත්වය දෙන එක ඉතා වැදගත්, මොකද අපි ගොඩාක් ආස වාහන මාලිදි තිබුණත් ඔබේ එදිනෙදා ජීවිතයට වාහනය නොගැලපෙන්න පුළුවන් නිසා, මොකද හැඟීම් කියන ඒව ඉක්මනින් වෙනස් වුනත් අවශ්‍යතාවයන් ඒ තරම් ඉක්මනින් වෙනස් වෙන්නෙ නැති නිසා. ඉතින් මේ ගැනත් කල්පනාකාරී වෙන්න.

හැබැයි කියන්න ඕනෙ තව දෙයක් තියනවා ඔබ ආසාවෙන් ගන්න වාහනේකට ඔබ හැමදාමත් ආදරේ කරාවි සහ හොඳින් රැකබලා ගනීවී, ඉතින් ඔබ ආස වාහනය සහ ඔබේ අවශ්‍යතා ගැලපෙන වාහනය කියන කාරනා දෙකම හරියටම බැලන්ස් කරගෙන වාහනය ගැන තීරණය ගන්න ඕනෙ.

වාහන‍යක් හොයාගන්න ඉස්සර හතර අතේ රස්තියාදු වෙච්ච අපිට දැන් තාක්ෂණයේ දියුණුවත් එක්ක ගොඩාක් ක්‍රම තියනවා ඒවා නම් :

  • ගොඩක් ජනප්‍රිය ක්‍රමය වන Online වෙබ්සයිට් වලින් ස‍ර්ච් කරන එක (උදා: careka.lk Search )
  • සමාජ ජාලා වලින් – ෆේස්බුක් Group මේ වැඩේට ගොඩාක් ජනප්‍රියයි (උදා ; careka Buy & Sell For Free Group )
  • Online forum වල සහ සමාජ මාධ්‍ය  වල ඔබේ අවශ්‍යතාවය පල කිරිමෙන්

 

Bonus Tip – ඔන්ලයින් වාහනයක් හොයද්දි ආරක්ෂා වෙන්න ඕනෙ තැනක් තියනවා, ඒ තමයි වාහනේ කොතරම් අඩුඅඩුමිලකට ලැබුනත්, කොතරම් වටින වාහනයක් උනත් විකුණුම්කරු හමුවී හරි ආකාරයට ගනුදෙනුව ස්ථීර වෙනකල් කොච්චර බල කරත් ඇඩ්වාන්ස් පේමන්ට් (අත්තිකාරම්) නොකර ඉන්න එක, මේ විදිහට අඩු මිලට වාහනය විකුණන මුවාවෙන් ඇඩ්වාන්ස් අරන් පලායන ජාවාරම් ගොඩක් ලංකාවේ සිදුවෙනවා. එමනිසා වාහන බැලීමට යද්දි හෝ අත්තිකාරම් මුදල් ලබා දෙද්දී මේ කාරණා ගැනත් හිතන්නම වෙනව.

ඔන්ලයින් වෙබ්සයිට් වල වැදගත්කම තමා අපිට වාහනයක් තෝරාගද්දී ගොඩක් අලුත් ඔප්ශන් ලබා දෙන එක – ඔබට careka.lk වෙබ් එකෙන් වාහනයක් සර්ච් ක‍රොත් ඔබට එකවර වාහන කිහිපයක් සසඳා බැලීමේ පහසුකමත් ලබා ගන්න පුළුවන්. මේ වාහන සැසඳීම මගින් ඔබට හොඳම හා හරිම වාහනය තෝරාතෝරාගැනීමට හැකිවෙනවා – Click Here

Careka.lk compare option

 

  1. වියදම ගැන ඔබ සැලකිලිමත් නම් ..

වාහනයක් ගන්න ගියාම අපි හුඟ දෙනෙක් කල්පනා කරන දෙයක් තමා අඩුම ගානට හොඳම වාහනයක් හොයාගන්න එක, ඒවගේම ගරාජ් ගානෙ රස්තියාදු නොවී, නඩත්තු වියදම හැකි තාක් අඩු කර ගන්න එක, ඉතින් මේ සඳහා පහත කරුණු ගැන සැලකිලිමත් වෙන්න.

  • වාහනයක් brand new ගන්න හුඟක් අය ආසයි හැබැයි, brand new හරි recondition උනත් ලංකාවේ ලියාපදිංචි කල ගමන්ම ඒ වාහනයේ වෙළෙඳපොළ වටිනාකම 10% කින් පමණ අනිවාර්යයෙන්ම අඩුවෙනව. හැබැයි මෙතනදී වාහනේ විකුණන කෙනා විකුණන්නේ ඇයි කියල ටිකක් කල්පනාවෙන් හොයල බලන්න, සාධාරණ හේතුවක් නම් බය වෙන්න දෙයක් නෑ.
  • එන්ජින් ධාරිතාවය කියන්නෙ වාහනයක් ගද්දි ගොඩක් සැලකිලිමත් වෙන්න ඕනෙ දෙයක් මොකද ඔබ නිතර වාහනය ධාවනය කරන කෙනෙක් නම් වැඩි ධාරිතාවයක් ඇති එන්ජින් එකකින් ඔබට වියදම් වන මුදල වැඩි නිසා සාමනයෙන් 1,500 cc වලට වැඩි එන්ජින් එකක් වැඩි ධාරිතාවයක් තියෙන විදිහට සළකන්න පුලුවන්, ඒවගේ වාහන ලීටරයට කිලෝමීටර් 10 කට වඩා අඩු ප්‍රමාණයක් තමා කරන්නේ, හැබැයි මතක තියාගන්න හයිබ්‍රිඩ් (hybrid) වාහන වල එන්ජින් ධාරිතාවය වැඩි උනත් ඉන්ධන කාර්‍යක්ශමතාවය වැඩියි, ඒත් ඉතින් හයිබ්‍රිඩ් වාහන මිලෙන් නම් අධිකයි. ඔබ මොන වගේ වාහන‍යක් ගත්තත් මයිලේජ් වැඩි කරගන්න ටිප්ස් මේ ආටිකල් එකෙන් අපි අරන් ආවා, මේ ආටිකල් එක ගොඩක් හොඳ ප්‍රතිචාර ආපු ලිපියක් – Click Here 
  • මැනුවල්/ ඔටෝ කියන්නේ හුඟක් අය වාද විවාද කරන දෙයක් – හැබැ‍යි පැහැදිලිවම මැනුවල් වාහනයක් එම වාහනේම ඔටෝ වාහනේකට වඩා ගානෙන් අඩුයි, හැබැයි ඉතින් ට්‍රැෆික් එකේ මැනුවල් පදිනව නම් පොඩි කට්ටක් කන්න වෙනව, ඒත් මේ අවාසිය වැහෙන හේතුවක් තමා මැනුවල් වාහනේක නිසිආකාරව ජියර් මාරු කරල පැද්දොත් ඉන්ධන ඉතිරිය ඔටෝ එකට වඩා වැඩි එක. 
  • සාමාන්‍යයෙන් ඇල්ටෝ මරුටි 800 වගේ වාහන ලංකාවේ ජනප්‍රිය වෙන්න මූලික හේතුව ඉතාම අඩු නඩත්තු වියඳම හා හොඳ සෙකන්ඩ් හෑන්ඩ් මාකට් එකක් තියෙන නිසයි. ඔබටත් වාහනය අවුරුදු කිහිපයක් උනත් පාවිච්චි කරල තමුන් ගත්තුගානටත් වඩා වැඩි මුදලකට විකුණාගන්න පුලුවන්.
  • වාහනවලටත් කාලෙන් කාලෙට වට්ටම් සේල් වගේ සෙට් වෙනවා, ඉතින් මේ ගැනත් සැලකිල්ලෙන් ඉන්න, විශේෂයෙන් වාහන ඩීලස්ලගෙන් මේ වගේ වට්ටම් බලපොරොත්තු වෙන්න පුලුවන්.

 

  1. තියන වාහනේ විකුණන්නද ඉන්නේ ?

තියන වාහනේ විකුණල අප්ග්‍රේඩ් එක්කට යන එක ගොඩක් අය කරන දෙයක් – මේ ගැන සියලු කරුණු අඩංගු සවිස්තරාත්මක ලිපියක් අපි ලඟ තියනවා – Click Here.

 

  1. වාහනයක් හොයාගත්ත ගමන් ගන්නවද ?

වාහනයක් හොයද්දි ඔබට ඉහත 3. පො‍යින්ට් එකේ කිව්ව වගේ ක්‍රම කීපයක් පාවිච්චි කරල හොයන්න පුලුවන් කම තියනවා, ඉතින් කලබලේට මුලින්ම හම්බෙන වාහන දෙක තුනෙන් තීරණ‍යක් ගන්න එපා, පුලුවන් තරම් ඔබ හොයන වාහනය, ක්‍රම කීපයකින්ම හොයල බලන්න, ඔබට හොඳ සාධාරණ මිලක් සහ කන්ඩිශන් හොඳ වාහනයක් තොර ගන්න මේක පහසුවක් වේවි. 

 

  1. කේවල් කිරිම

ඔබ දැකල ඇති සමහර වාහන දැන්වීම වල සඳහන් කරලම තියනවා බාගේන් හන්ට්ස්ල (අසාධාරණ කේවල්කරුවෝ) කතා කරන්නවත් එපා කියල,ඉතින් මෙතනදී අපි කියන්නෙ නෑ බාගේන් හන්ටර්ස්ල වගේ වාහනේ අසාධාරණ විදිහට මිල අවතක්සේරු කරන්න කියල, නමුත් සඳහන් මිලටම කිසිම කේවල් කිරීමක් නොකර වාහනයක් ගන්න අවශ්‍ය නෑ, මොකද, විකිණීමට සඳහන් කර ඇති මිල බොහෝ වෙලාවට ඇත්ත තක්සේරුවට වඩා මඳක් වැඩි වෙන්න පුලුවන් නිසා. සාදාරණ කේවල් කිරීමකට පහත ටිප්ස් යොදා ගන්න. 

  • ඩීලර් කෙනෙක්ගෙන් වාහනේ ගද්දි ඔබට යම් අමතර කොටස් නොමිලේ ලබා ගන්න අවස්ථාව තියෙන්න පුලුවන්, ඉතින් මේ ගැන ඇහුවට හොයල බැලුවට වරදක් නෑ.
  • දැනටමත් වට්ටමක් දීල තියෙන වාහනයක තවදුරටත් මිල අඩු කිරීමේ හැකියාව වැඩියි, මොකද විකුණුම්කරු වාහනේ අඩු මිලකට ඉක්මණින් විකුණන්න මානසිකව දැනටමත් ලෑස්ති වෙලා ඉන්න නිසා.
  • වාහනේ සුළු අඩුපාඩු ඇත්නම් ඒවා කාරුණිකව පෙන්වාදෙන්න. කවදාවත් වාහනය කන්ඩම් කරන්න උත්සාහ කරන්න එපා.
  • ඔබට මේ වාහනය තවත් කෙනෙකුගෙන් ගන්න පුළුවන් බව අඟවන්න, එම වාහනයම ඔබ ගන්න හදන මිලට වඩා අඩුවෙන් දැන්වීම් පල කරල තියනවනම් ඒ බවත් පවසන්න.
  • කේවල් කිරීම මතගැටුමක්/රණ්ඩුවක් කර ගන්න එපා කවදාවත්, සුහදශීලීව විහිලුවෙන් මේක හැන්ඩ්ල් කරන්න, එකකොට විකුණුම්කරු ඔබට වැඩි කැමැත්තක් දක්වා, ඔබට එකඟ වෙන්න තියන අවස්ථාව වැඩී. 
  • මතක තියාගන්න කේවල් කිරීම කියන්නේ වෙනම කලාවක් ඔබට අසධාරණ නොවී ඉතා හොඳ මිලක් ගන්න පුලුවන් හරියට මේ දේ හැන්ඩ්ල් කරොත්, සමහරු මේ දේට උපතින්ම දක්ෂයි ඉතින් මේකට ගැලපෙන මිතුරෙක් සමඟ ඔබට කේවල් කරන්න සහය ලබා ගන්න පුළුවන් නන් ඉතාම හොඳයි. 

Bonus Tip –  ඔබ වාහනේට අත්තිකාරම් මුදලක්  ලබා දෙනවා නම් එයට අදාල ලිපියක් හෝ අත්සන් සහිත ලියකියවිලි තබා ගන්න අමතක කරන්න එපා, ඒවගේම ඇඩ්වාන්ස් ලබා දීමේදී, විකුණුම්කරුගේ  අනන්‍යතාවය තහවුරු කරන ජාතික හැඳුනුම්පතක පිටපතක් වගේ ලඟ තියාගන්න එක ආරක්ෂිතයි. අත්තිකාරම් මුදල විකුණුම්කරු නමින් ඇති බැංකු ගිනුමක තැන්පත් කරන්න හැකිතාක් උත්සාහ කරන්න. වාහනේ මිලදී ගන්නට යද්දි ඔබේ අතේ මුදල් තියනවනම් ඔබේ ආරක්ෂාව ගැන සැලකිලිමත් වෙන්න. ඔබට ආරක්ෂාව ගැන වද වෙන්න දෙයක් නෑ Park & Go වගේ අලුතින් හඳුන්වාදුන් සේවාවක් මාර්ගයෙන් වාහනේ ගත්තොත්, මොකද සියලු ගනුදෙනු සමාගමක් හරහා ආරක්ෂිතව සිදුවන නිසා – මේ ගැන වැඩි විස්තර Click Here.

 

  1. වාහනේ මැකැනිකල් චෙක් ලිස්ට් එක
  • මයිලේජ් එක – වාහනේ කන්ඩිශන් එක බලන්න පුළුවන් මූලික සාධකයක් මේක, වාහන එක්ස්පර්ට්ලට අනුව අවුරුද්දකට වාහනයක් ධාවනය වන සමාන්‍ය දුර ප්‍රමාණය 15,000KM-20,000KM වගේ වෙනවා ඉතින් ගොඩක් වැඩිපුර දුවල හරි, දුවල අඩු නම් හරි ඒ ගැන විමසා බලන්න, සමහරු කරන දෙයක් තමා විකුණද්දී මීටරේ කරකවන එක, මේක හොයා ගන්න ලේසිම විදිහ තමා පහුගිය සර්විස් බිල් වල මයිලේජ් එක පරීක්ෂා කරල බලන එක. 
  • වාහනේ පොත සහ අතීතය  – වාහනේ අයිතිකරුවන් ප්‍රමාණය, අනතුරු වලට ලක්වෙලාද, වාහනේ අයිතිකරුවන් වලට ඉන්ශුවන්ස් සමාගම් ඉන්නවද(ගොඩක් වෙලාවට දරුණු අනතුරු වලට මේක ඇඟවීමක්) , මේ වගේ දේවල් හොයල බලන්න.
  • බාහිර පෙනුම – වාහනේ බාහි‍ර පෙනුම, මලකඩ සහිත තැන්, පේන්ට් ස්ක්‍රැච් වගේ දේවල් සොයා බලන්න.
  • චැසිය – වාහනේ පිතට වගේම යටත් චෙක් කරන්න, කෙසේ හෝ විකුණුම්කරු කැමතිකරගෙන වාහන සර්විස් එකකට ගෙනගොස් ඉහලට ඔසවා චැසියේ හා අනෙක් උපාංග වල ඇක්සිඩන්ට් වෙච්ච, දිරපු නැත්තම් මලකඩ කොටස් තියනවද කියල පරික්ෂාකරලා බලන්න. බම්පර්ස් ඇතුලත සහ බොනට් එක ඇතුලේ ෆ්‍රේම් එකට හානි වෙලා තියනවද, වගේ දේවල්.
  • බොනට් එක ඇතුල – එන්ජින් එක තමා වාහනේ හඳවත ඉතින්, එන්ජින් එකේ මලකඩ දිරපු කොටස් හෝ ලීක් තියන්වද බලන්න. වාහනේ දියර පරීක්ෂා කරන්න ලීක් තියනවද, අවපැහැ ගැන්විලාද කියලා – සාමන්‍යයෙන් එන්ජින් ඔයිල් ලාදුඹුරු පාටක් වන අතර ට්‍රාන්ස්මිශන් දියර නම් රෝස හෝ රතු පැහැයක් ගන්නවා.
  • ට‍යර් – ටයර් නියමිත ගානට වඩා ගෙවිලනම් ඔබට මෙය අමතර වියදමක්, ඉතින් මේ ගැන සොයා බලන්න, ටයර් හතරම එක ප්‍රමාණයට ගෙවිල තියෙන්න ඕනෙ නැත්තම් අලයින්මන්ට් ප්‍රශ්නයක් හරි ෆ්‍රේම් එකේ ප්‍රශ්නයක් හරි වෙන්න පුලුවන්. 
  • ඇතුලත- වාහනේ ඇතුලත තත්වය, ඩෑශ් බෝඩ්,ඇතුලත කැඩුනු කොටස් තියනවද වගේම, විදුලි කොටස් පරීක්ශා කර බලන්න – හෙඩ් ලයිට්, ටේල් ල‍යිට්, සිග්නල් ලයිට්, A/C, වයිපර්, සවුන්ඩ්, ඩෑශ් බෝඩ් මීටර් මේ වගේ දේවල් චෙක් කරන්න.
  • ඇතුලත සීට් – සීට් ලෙදර්/කවර වලට හානි වෙලාද කියල චෙක් කරන්න මේ වගේ දේවල් අලුත්වැඩියා කරන්න ලොකු මුදලක් වියදම් වෙන්න පුලුවන්. සීට් කවර්ස් දමා ඇත්නම් අනිවාර්යයෙන්ම ඒවා ගලවා පරික්ෂා කරන්න.
  • ටෙස්ට් ඩ්‍රයිව් – වාහනේ පදවලා බලන එක අනිවර්‍යෙන් කල යුතු දෙයක් ,මෙහිදී අනවශ්‍ය සද්ද වාහනෙන් එනවද, ස්ටියරින් හරියට වෙනවද, වාහනේ එක පැත්තකට බර නොවී යනවද, බ්‍රේක්, ගෑස් පෙඩල් හා ක්ලච් පෙඩල් හරියට වැඩද කියල බලන්න පුලුවන්.

 

  1. ඩොක්‍යුමන්ට් චෙක් ලිස්ට් එක 

වාහනේ මිලදී ගද්දි ඔබට අවශ්‍ය වන ලියකියවිලි සහ දේවල්;

  • වාහනේ පොත
  • ආදායම් බලපත්‍ර 
  • සර්විස් පොත හෝ වාහන අලුත්වැඩියා/අමතර කොටස් සම්බන්ධ ලියකියවිලි/බිල්
  • වාහනේ මැනුවල්
  • ස්පෙයාවීල් සහ අදාල ටූල්කිට්
  • ‍යතුර සහ ස්පෙයා යතුරු (‍‍රිමෝට් යතුරු)
  • ගනුදෙනුව සම්බන්ධ ලියකියවිලි 
  • ලීසිං/ණය අවසන් කලබවට වන සහතික ලිපිය ලියකියවිලි.

 

ලිපියෙහි ලින්ක් එකතුව

  • වාහනය search කරන්න – careka.lk search click here
  • ඉදි‍රියටත් ආටිකල් කියවන්න ෆලෝ කරන්න  – careka.lk FB page click here
  • මයිලේජ් පිලිබඳ ලිපිය(ඉන්ධන කාර්‍යක්ෂමතාවය වැඩි කර ගන්න) – Click Here 
  • වාහන විකිණීම ගැන ලිපිය – Click Here
  • Park & Go සේවාව – Click Here
  • careka.lk Facebook Group – Click Here

|

ඔබේ මිතුරන්ටත් මේ ලිපිය වැදගත්වෙයි කියල හිතනවනන් පහලින් තියෙන සෝශල් මේඩියා බටන් වලින් ශෙයා කරන්න අමතක කරන්න එපා 🙂

|

ඔයාලත් වාහනයක් ගන්න හරි විකුණන්න හරි ඉන්නවනන් careka.lk එකෙන් ලේසියෙන් කිසිම අමත‍ර ගාස්තු නැතුව වැඩේ කරගන්න පුලුවන් – දැන්ම වෙනස බලන්න. CLICK HERE

11 comments

  1. නියමයි.හොඳ දැනුමක් ලබාගන්න පුළුවන් .ස්තූතියි .

  2. Very useful and important article for vehicle users your attention invites to published more articles
    Thanka S M TL samarakoon

Leave a Reply to Gihan Cancel reply

Your email address will not be published. Required fields are marked *