අද කාලයේ අලුතින්ම වෙළෙඳපොළට එන සෑම මෝටර්රථයක්ම පාහේ ඉලෙක්ට්‍රොනික් අංග, සෙන්සර්ස් වගේ දේවල් වලින් අඩුවක් නැතුව තමයි නිපදවෙන්නෙ. මේ අංගෝපාංග සහ සෙන්සර්ස් නිසා වාහනය හැසිරෙන ආකාරය නිරීක්ෂණය කිරීම ඉතාමත් පහසු කටයුත්තක්.
වාහනයක ඩෑෂ්බෝර්ඩ් එකේ තියෙන අනතුරු ඇඟවීමේ ලයිට් වලින් කියවෙන දේවල් දැනගෙන ඉන්න එක ඉතාමත් වැදගත්, මොකද කියනවනම් බ්‍රේක්ඩවුන් එකකදි එහෙමත් නැත්නම් සම්පූර්ණ ෆේලියර් වීමක් වළක්වා ගන්න මේ දේවල් දැනගෙන ඉන්න එක ගොඩක් උපකාරී වෙනවා.
ඉතින් ඔබේ ඩෑෂ්බෝර්ඩ් එකේ විවිධ කහ සහ රතු අනතුරු ඇඟවීමේ බල්බ්වලින් අදහස් කරන්නේ මොකක්ද? ඒවා තියෙන්නේ ඇයි? ප්‍රශ්නය කොතරම් හදිස්සිද? සහ ඒවා දකින විට ඔබ කළ යුත්තේ කුමක්ද යන්න කියන්නයි අපි සූදානම් වෙන්නේ.
සාමාන්‍යයෙන් ඩෑෂ්බෝර්ඩ් එකක අනතුරු ඇඟවීමේ බල්බ් ට්‍රැෆික් ලයිට් සිස්ටම් එකක් අනුගමනය කරනවා:
කොළ: පද්ධතිය නිවැරදිව ක්‍රියා කරයි හෝ දැනට භාවිතයේ පවතී.
කහ: යමක් නිවැරදිව ක්‍රියා නොකරයි – වැඩිපුර සැලකිලිමත් වී හැකි ඉක්මනින් එය පරීක්ෂා කරන්න.
රතු: බරපතල ගැටළුවක් පවතී. හැකි ඉක්මණින් හා ආරක්ෂිතව වහාම රිය පැදවීම නවත්වන්න.
ඒ වගේම ඩෑශ් බෝඩ් සංඥා කොටස් කීපයකට බෙදන්න පුළුවන්
- අවවාදාත්මක සංඥා
- ආරක්ෂාව සම්බන්ධ සංඥා
- සාමාන්‍ය සංඥා
- ඩීසල් වාහන වලටම වෙන්වු සංඥා
මේ සංඥා අතරින් ඉතාමත් වැදගත් දැනගන්නෙම ඕනෙ සංඥා ගැන අපි දැන් කතා කරමු.
අවවාදාත්මක සංඥා
බ්‍රේක් වෝර්නින් ලයිට් – Brake Warning Light
බ්‍රේක් සිස්ටම් වෝර්නින් ලයිට්, පාර්කින් බ්‍රේක් වෝර්නින් ලයිට් හෝ බ්‍රේක් ෆ්ලුයිඩ් වෝර්නින් ලයිට් ලෙසද මෙම ලයිට් හැඳින්වෙනවා. පාර්කින් බ්‍රේක් සම්පූර්ණයෙන් මුදා හැරීමෙන් පසුව හෝ ඔබ රිය පදවන විට මෙම රතු ලයිට් එක දිගටම පත්තුවෙනවා නම්, එයින් ඇඟවෙන්නේ බ්‍රේක් ෆ්ලුයිඩ් මට්ටම අඩු බවයි. ඔබේ බ්‍රේක් ෆ්ලුයිඩ් මට්ටම පරීක්ෂා කරන විදිය ඔබ නොදන්නවා නම්, මෝටර් රථ කාර්මික මහතෙකුගේ සහය ලබාගත යුතු වෙනවා.
ABS අනතුරු ඇඟවීමේ ලයිට් එකද ආලෝකමත් වුවහොත් බ්‍රේක් සිස්ටම් එක අක්‍රිය වී ඇති බව සහ වාහනයේ බ්‍රේක් නිසි ලෙස ක්‍රියා නොකරන බවත් මෙයින් සංඥා කෙරෙනවා. මෙම අවස්ථාවේ දී ඉලෙක්ට්‍රොනික් බ්‍රේක් ෆෝස් ඩිස්ට්‍රිබියුශන් (EBD) වෝර්නින් ලයිට් එකත් ආලෝකමත් වෙන්න පුලුවන්.
බ්‍රේක් වෝර්නින් ලයිට් එක සමඟ තවදුරටත් ධාවනය කරන්න පුලුවන්ද?
මේ වගේ අවධානමක් ගැනීම කිසිසේත්ම සුදුසු නැහැ. බ්‍රේක් කියන්නේ ඔබේ මෝටර් රථයේ වඩාත්ම වැදගත් ආරක්ෂිත අංගයක්, ඒ නිසා මෙම රතු අනතුරු ඇඟවීමේ ආලෝකය දුටු විගසම ක්‍රියා කිරීම වැදගත්.
ආරක්ෂිත වූ විගස වාහනය නවත්වන්න, ඔබේ වේගය අඩු මට්ටමක තබාගනිමින් හදිසි බ්‍රේක් ගැසීම් වළක්වා ගන්න. ඔබේ බ්‍රේක් ෆ්ලුයිඩ් මට්ටම ඔබම පරීක්ෂා කර ගන්නේ කෙසේදැයි ඔබ නොදන්නවා නම්, මෙය කාර්මික ශිල්පියෙකුගේ සහය පැතිය යුතු අවස්ථාවක්, එමනිසා ගරාජයක් වෙත යන්න.
සෑමවිටම වාහනයේ බ්‍රේක් නිසියාකාරව ක්‍රියාත්මක නොවන විට රිය පැදවීමේ අවදානම ගැනීමෙන් වළකින්න.
එන්ජින් ටෙම්ප්රේචර් වෝර්නින් ලයිට් – Engine Temperature Warning Light
කූලන්ට් ටෙම්ප්රේචර් වෝර්නින් ලයිට් ලෙසත් මෙය හැඳින්වෙනවා.
එන්ජිම අධික ලෙස රත් වන විට මෙම ආලෝකය දැල්වෙනවා. මෙයින් අදහස් කරන්නේ කූලන්ට් මට්ටම් අඩු මට්ටමක පවතින බවයි, සමහර අවස්ථාවලදී පද්ධතියේ කාන්දුවීමක් නිසාත් මෙය දැල්වෙන්න පුලුවන්, නැතිනම් හෙඩ් ගෑස්කට් ෆේලියර් වීමක් වැනි විශාල ගැටලුවක ලකුණක් වීමේ හැකියාවකුත් තියෙනවා.
එන්ජිම ටෙම්ප්රේචර් වෝර්නින් ලයිට් එක සමඟ තවදුරටත් ධාවනය කළ හැකිද?
මෙම ආලෝකය රතු පාට නම් ඔබ එම මොහොතේම ආරක්ෂිතව වාහනය නැවැත්විය යුතුයි, ප්‍රමාණවත් තරම් කූලන්ට් නොමැතිව ඔබේ එන්ජිම උණුසුම් වන බැවින් නැවත සැකසිය නොහැකි හානියක් සිදුවන්න පුලුවන්.
වාහනයක එන්ජිම රත්වීම පාලනය කරනු ලබන්නේ බොනට් එක යට, ඉදිරිපස බෆර් එකට පිටුපසින් ඇති රේඩියේටරය මගිනි. වාහනයක් ධාවනය කර නැවැත්වූ වහාම මෙම රේඩියේටරයේ මූඩිය විවෘත කිරීම කිසිවිටෙකත් සිදුනොකල යුතුය. රේඩියේට ටැංකියේ පැත්තේ ඇති මූඩිය විවෘත කර පරීක්ෂා කිරීමට පෙර එන්ජිම සිසිල් වන තෙක් වාහනය නවත්වා බලා සිටින්න. එන්ජිම සිසිල් වූ පසු කූලන්ට් මට්ටම අවශ්‍ය පරිදි පුරවන්න.
කූලන්ට් මට්ටම පරීක්ෂා කරන අතරතුර පැහැදිලි කාන්දුවීම් තිබේදැයි විමසිල්ලෙන් බලන්න. එවැනි ලකුණක් නොමැතිනම් සහ බල්බය නිවී යන්නේ නම් එය ඔබේ ගමන දිගටම යාමට හැකි බවට කරන සංඥාවක්. ආලෝකය නැවත ක්‍රියාත්මක වුවහොත් හඳුනාගැනීමට අපහසු ගැටළුව විසඳා ගැනීම සඳහා ඔබ එය පරීක්ෂා කර බැලිය යුතු වෙනවා.
අධික ලෙස උණුසුම් වූ එන්ජිමක් නිසා වාහනයට සහ ඔබට අනතුරක් සිදුවෙන්න පුලුවන්. එම අවදානමට ගන්නවා වෙනුවට, හැකි ඉක්මණින් කාර්මික ශිල්පියෙකුගේ සහය ලබාගෙන එය යථා තත්වයට පත් කරගන්න.
ඔයිල් වෝර්නින් ලයිට් – Oil Warning Light
ලෝ එන්ජින් ඔයිල් හෝ ලෝ ඔයිල් ප්‍රෙශර් ආලෝකය ලෙසද හැඳින්වෙනවා.
ඔයිල් උෂ්ණත්වය අධික වූ විට හෝ ඔයිල් මට්ටම හෝ පීඩනය අඩු වූ විට ඔයිල් වෝර්නින් ලයිට් දැල්වීම සිදුවෙනවා. ඔයිල් මඟින් එන්ජිම ඵලදායී ලෙස ලිහිසි නොකරන විට එය මිල අධික රෙපෙයාර් කිරීමක් හෝ ආපසු සැකසිය නොහැකි එන්ජින් හානියකට හේතු විය හැකි බැවින් ඉක්මනින් ක්‍රියා කිරීම වැදගත් වෙනවා.
ලෝ එන්ජින් ඔයිල් ලයිට් දැල්වෙන විට තවදුරටත් ධාවනය කළ හැකිද?
මෙම ආලෝකය පැමිණෙන විට ඔබ හැකි ඉක්මනින් වාහනය නතර කර එන්ජිම ක්‍රියා විරහිත කළ යුතු වෙනවා. මෝටර් රථය යටින්, පැහැදිලිව පෙනෙන ඔයිල් කාන්දුවීම් පිළිබඳව සොයා බලන්න, ඉන්පසු ඔයිල් මට්ටම් පරීක්ෂා කරන්න, අවශ්‍ය නම් ඔයිල් නැවත පිරවීම සිදු කරන්න.
ඔයිල් ලෙවල්වල ගැටලුවක් නැතිනම්, ඔයිල් පොම්පය දෝෂ සහිත විය හැකියි.
ඔබ පරීක්ෂා කරන අතරතුර, පැහැදිලි කාන්දුවීම් තිබේදැයි සොයා බලන්න. ඔබට කිසිවක් නොපෙනේ නම් සහ බල්බය නිවී යන්නේ නම් ඔබේ ගමන දිගටම යාමට ඔබට පුලුවන්. නමුත් ඉන් අනතුරුවද බල්බය නැවත දැල්වේ නම්, හඳුනාගැනීමට අපහසු ගැටළුව විසඳීම සඳහා ගරාජයකට ගොස් පරීක්ෂා කර බැලීම වඩාත් සුදුසු වෙනවා.
බැටරි වෝර්නින් ලයිට් – Battery Warning Light
බැටරි චාර්ජ් ලයිට් හෝ බැටරි චාර්ජ් සිස්ටම් ලයිට් ලෙසද හැඳින්වෙනවා.
ඔබ රිය පැදවීමේදී මෙම බල්බය දැල්වේ නම් එයින් පෙන්නුම් කරන්නේ බැටරිය චාර්ජ් නොවන බවයි. ඔබගේ මෝටර් රථයේ විදුලි පද්ධතියේ ඇති ගැටළුවක් නිසා විය හැකි අතර එයට දෝෂ සහිත ඕල්ටර්නේටර් එකක්, දෝෂ සහිත බැටරියක්, ගැටලු සහිත විදුලි සම්බන්ධතාවයක් හෝ හානියට පත් කේබල් වැනි හේතු කිහිපයක් තියෙන්න පුලුවන්.
බැටරි වෝර්නින් සිස්ටම් ලයිට් දැල්වෙන විට තවදුරටත් ධාවනය කළ හැකිද?
බැටරිය අක්‍රීය වන තෙක් ඔබේ මෝටර් රථය සාමාන්‍ය පරිදි ධාවනය වන නමුත් බැටරිය සම්පූර්ණයෙන් අවසන් වූ පසු ඔබේ මෝටර් රථයේ කිසිවක් ක්‍රියා කරන්නේ නැහැ. එමනිසා බැටරිය ඉවර වීමට කලින් හැකි ඉක්මනින් ගරාජයකට යන්න!
බැටරිය සම්පූර්ණයෙන්ම අවසන් නොවුණහොත්, ඔබට ජම්ප් ස්ටාර්ට් කිරීමකට උත්සාහ කරන්න පුලුවන්.
ආරක්ෂාව සම්බන්ධ සංඥා
එන්ජින් මැනේජ්මන්ට් ලයිට් – Engine Management Light
‘චෙක් එන්ජින්’ හෝ ECU අනතුරු ඇඟවීමේ ආලෝකය ලෙසද හැඳින්වෙනවා.
එන්ජින් මැනේජ්මන්ට් ලයිට් පත්තු වීම, බොහෝ විට එන්ජිම නිසියාකාරව ක්‍රියා නොකරන බව කියැවීමේ සංඥාවක් ලෙස හඳුනාගන්න පුලුවන්, එනම් ඔබ ඇක්සලරේටරය පෑගූ විට බලය නොමැතිකමක් හෝ බලය මදිවීමක් මෙයින් ඇඟවෙනවා.
මෙම අනතුරු ඇඟවීමේ සංඥාවෙන් ඔබේ එමිශන් කන්ට්‍රෝල් සිස්ටම් එකේ හෝ කැටලිටික් කන්වර්ටර් එකේ දෝෂයක් වැනි දරුණු ගැටළුවක සිට අඩපණ වූ ඉලෙක්ට්‍රිකල් සෙන්සර් එකක් වැනි කුඩා යාන්ත්‍රික ගැටළුවක් දක්වා දෝෂ ගණනාවක් දක්වන්න පුලුවන්.
චෙක් එන්ජින් ලයිට් සමඟ තවත් කොපමණ වේලාවක් ධාවනය කළ හැකිද?
චෙක් එන්ජින් ලයිට් එක පත්තු වූ විට ඔබට හැකි ඉක්මනින් එය පරීක්ෂා කර බැලිය යුතු වෙනවා. මෙය නොසලකා හරිමින් අඛණ්ඩව ධාවනය කිරීමෙන් ඔබේ එන්ජිමට තවදුරටත් හානිවිය හැකියි.
බ්‍රේක් පෑඩ් වෝර්නින් ලයිට් – Brake Pad Warning Light
බ්‍රේක් පෑඩ් වෙයාර් වෝර්නින් ලයිට් ලෙසද මෙය හැඳින්වෙනවා. මෙම සංඥාවෙන් පෙන්වන්නේ ඔබේ බ්‍රේක් පෑඩ් ගෙවී ඇති බවයි.
බ්‍රේක් පෑඩ් වෝර්නින් ලයිට් දැල්වෙන විට රිය පැදවිය හැකිද?
සාමාන්‍යයෙන් නම් බ්‍රේක් පෑඩ් භයානක ලෙස තුනී වීමට පෙර මෙම අනතුරු ඇඟවීමේ ආලෝකය පැමිණෙනවා, එබැවින් ඒවා වෙනස් කිරීමට ඔබට යම් කාලයක් ලැබෙනවා. නමුත් බ්‍රේක් පෑඩ්ස් ඔබට හැකි ඉක්මණින් ප්‍රතිස්ථාපනය කළ යුතුයි, මොකද කියනවා නම් බ්‍රේක් පෑඩ් දරුණු ලෙස ගෙවීයාම අතිශයින්ම භයානක වෙන්න පුලුවන්.
ඉලෙක්ට්‍රොනික් ස්ටැබිලිටි ප්‍රොබ්ලම් (ESP) වෝර්නින් ලයිට් – Electronic Stability Problem
ඉලෙක්ට්‍රොනික් ස්ටැබිලිටි කන්ට්‍රෝල් (ESS) ලෙසද හැඳින්වෙන මෙම අනතුරු ඇඟවීමේ ආලෝකය මගින් ට්‍රැක්ශන් කන්ට්‍රෝලින් පිළිබඳ ගැටළුවක් පෙන්නුම් කරනවා. එය දැල්වෙනවා නම් එයින් අදහස් වන්නේ ESP පද්ධතිය නිවැරදිව ක්‍රියා නොකරන බවයි.
සිස්ටම් එක අක්‍රිය කර ඇත්නම් ESP ආලෝකය ‘ඕෆ්’ යන වචනයෙන් ආලෝකමත් වෙනවා, එයින් කියවෙන්නේ ඔබ නොදැනුවත්වම එය ක්‍රියා විරහිත කර ඇති බවයි.
මෙය පරීක්ෂා කිරීම සඳහා එන්ජිම නැවැත්වීමට සහ නැවත ආරම්භ කිරීමට උත්සාහ කරන්න. නැවත ආරම්භ කිරීමෙන් පසුවත් ලයිට් එක දිගටම දැල්වේ නම් එය ගරාජයක් වෙත ගොස් පරීක්ෂා කර බලන්න, මන්ද ESP පද්ධතිය කියන්නේ වැදගත් ආරක්ෂිත අංගයක්.
ඇන්ටි-ලොක් බ්‍රේක් සිස්ටම් (ABS) වෝර්නින් ලයිට් – Anti Lock Brake System
ABS කියන්නේ වාහනයක ඉතාමත් වැදගත් ආරක්ෂිත අංගයක්, එමඟින් ඔබට හදිසියේ නැවැත්වීමට අවශ්‍ය වූ විට හෝ ලිස්සනසුළු මාර්ග වැනි දුෂ්කර රිය පැදවීමේ තත්වයන්වලදී ඇත්තටම උපකාරී වෙනවා.
ABS වෝර්නින් ලයිට් දැල්වෙන විට තවදුරටත් ධාවනය කළ හැකිද?
ABS වෝර්නින් ලයිට් ක්‍රියාත්මක වන්නේ නම් තවමත් සාමාන්‍ය බ්‍රේක් වාහනයේ තිබිය යුතුයි, එබැවින් ඔබේ ගමන දිගටම කරගෙන යාම ආරක්ෂිතයි. නමුත් ඔබ අනිත් වාහන සමඟ ආරක්ෂිත දුරක් පවත්වා ගන්න, අමතර සැලකිල්ලක් දක්වන්න, හැකි ඉක්මනින් එය පරීක්ෂා කරගන්න.
එය බ්‍රේක් වෝර්නින් ලයිට් සමඟ පැමිණෙනවා නම්, එයින් ඇඟවෙන්නේ බ්‍රේක් සිස්ටම් එක ෆේල් වී ඇත් බවයි. මේ වගේ තත්වයකදී නම් ගැටලුව යථා තත්වයට පත් කරගන්නා තුරු නැවත ගමනේ යෙදීම සුදුසු වන්නේ නැහැ.
ලෝ ටයර් ප්‍රෙශර් වෝර්නින් ලයිට් – Low Tire Pressure Warning Light
අලුත් මාදිලිවල (බොහෝ මර්සිඩීස් බෙන්ස් මෝටර් රථවල වගේ) ටයර් පීඩන මොනිටරින් සිස්ටම් සවි කර ඇති අතර එමඟින් ටයර් පීඩන අඩුවන විට ඔබට දන්වනු ලබනවා. මෙය කාලයත් සමඟ සිදුවිය හැකියි, නැත්නම් ටයර් පන්චර් වීමක් නිසා සිදුවිය හැකියි.
ටයර් ප්‍රෙශර් වෝර්නින් ලයිට් දැල්වෙන විට තවදුරටත් ධාවනය කළ හැකිද?
මෙයට පිළිතුර නම් ඔව්! නමුත් ඔබ අමතර පරිස්සමින් රිය පැදවිය යුතු අතර ලැබෙන පළමු අවස්ථාවේදීම ටයර් ප්‍රෙශර් එක ඉහළ නංවා ගැනීමට අරමුණු කර ගත යුතුයි. අඩු ටයර් පීඩනය අනාරක්ෂිත රිය පැදවීමේ තත්වයන්ට හේතු විය හැකි නිසා ඔබේ වේගය අඩු කරගෙන, හදිසි තිරිංග යෙදීම වළක්වා ගනිමින් සහ අනපේක්ෂිත හැරවීම් අවම කරගැනීමට උත්සාහ කරන්න.
බොහෝ පෙට්‍රල් ශෙඩ්වල සහ ගරාජවල ටයර් පීඩනය පරීක්ෂා කිරීම සඳහා භාවිතා කළ හැකි වායු සම්පීඩක තිබෙනවා. ඔබේ වාහන මැනුවල් එකේ ඇති නිෂ්පාදකයාගේ පිරිවිතරයන්ට අනුව ටයර්වල වාතය ඉහළට ඔසවාගන්න.
පවර් ස්ටියරින් වෝර්නින් ලයිට් – Power Steering Warning Light
EPS හෝ EPAS වෝර්නින් ලයිට් ලෙසද හැඳින්වෙනවා.
මෙම අනතුරු ඇඟවීමේ ආලෝකය පෙන්නුම් කරන්නේ පවර් ස්ටියරින් හා සම්බන්ධ ගැටළුවක් ඇති බවයි.
මෙම ගැටළුව විසඳීම විදුලි බලයෙන් ක්‍රියාත්මක වන සිස්ටම් සඳහා නම්, පරිගණකයක් රිබූට් කිරීම තරම් සරල වෙන්න පුලුවන්. නැවැත්වීමට ආරක්ෂිත ස්ථානයක් සොයාගෙන මෝටර් රථය ක්‍රියා විරහිත කර තත්පර 30 කට පසු නැවත ක්‍රියාත්මක කිරීමට උත්සාහ කරන්න. බල්බය තවදුරටත් දැල්වී තිබේ නම් පරීක්ෂා කර බැලීම සඳහා ඉක්මණින්ම ඔබේ මෝටර් රථය රැගෙන යා යුතු වෙනවා.
EPS ආලෝකය සමඟ තවදුරටත් ධාවනය කළ හැකිද?
EPS ආලෝකය දැල්වුණු විටද ඔබට වාහනය ධාවනය කළ හැකි නමුත් පවර් ස්ටියරින් සිස්ටම් එක හරියාකාරව ක්‍රියා නොකරන විට මෝටර් රථය හැසිරවීම අපහසු බව ඔබට වැටහේවි. මෙහිදී ඔබ අමතර සැලකිල්ලක් දැක්විය යුතු වෙනවා. පවර් ස්ටියරින් සහාය නොමැතිව මෝටර් රථය අධික වේගයෙන් ධාවනය කිරීම භයානක විය හැකියි.
එයාර් බෑග් වෝර්නින් ලයිට් – Air Bag Warning Light
සප්ලිමෙන්ටල් රිස්ට්‍රේන්ට් සිස්ටම් (SRS) වෝර්නින් ලයිට් ලෙසත් මෙය හැඳින්වෙනවා.
මෙම බල්බය රතු පැහැයට හැරෙන විට එයින් අදහස් වෙන්නේ එයාර් බෑග් ආරක්ෂණ පද්ධතියේ අඩුම තරමින් එක් එයාර් බෑග් එකක් හෝ නිවැරදිව ක්‍රියා නොකරන බවයි. සමහරවිට එයාර් බෑග් පද්ධතියම නිවැරදිව ක්‍රියා නොකරන බව හඟවන්නත් පුලුවන්. ෆ්‍රන්ට් පැසෙන්ජර් ඔක්‍යුපේෂන් ක්ලැසිෆිකේෂන් සිස්ටම් (එයාර් බෑග් එක ආරක්ෂිතව ක්‍රියාත්මක වීම සඳහා ඉදිරිපස මගියාගේ බර සහ පිහිටීම හඳුනා ගන්නේ මෙමඟිනි) හෝ සීට් බෙල්ට් ප්‍රෙටෙන්සර් සිස්ටම් (එය අනතුරකදී සීට් බෙල්ට් එක තද කරයි) යන සිස්ටම් එකක ගැටලුවක් මෙමඟින් දක්වනවා.
එයාර් බෑග් ලයිට් දැල්වෙන විට තවදුරටත් ධාවනය කළ හැකිද?
එයාර් බෑග් සිස්ටම් එක නිසියාකාරව ක්‍රියාත්මක නොවන්නේ නම්, එය හදිසි අවස්ථාවකදී ක්‍රියාත්මක නොවනු ඇත. නැත්නම් සමහර අවස්ථාවල එය අනපේක්ෂිත ලෙස ක්‍රියාත්මක වීමට හෝ අනතුරකට ලක්වීමට හේතු විය හැකියි. කෙසේ හෝ එයාර් බෑග් සිස්ටම් එක ඔබේ මෝටර් රථයේ ඉතාමත්ම වැදගත් ආරක්ෂණ ක්‍රමවේදයක්, එමනිසා මෙම ලයිට් එක දැල්වෙන විට වහාම පරීක්ෂා කර බලන්න.
සාමාන්‍ය සංඥා
ඩෝර්ස් ඔපන් – Doors Open
නිසියාකාරව ප්‍රතිචාර නොදැක්වුවහොත් ඉතා භයානක ප්‍රතිපල ඇතිවෙන තත්වයක් මෙම සංඥාවෙන් පෙන්වයි.එය නම් ඔබේ වාහනයේ දොරවල් නිවැරදිව වැසි නොමැති බවයි.මෙම සංඥාව ඔබේ වාහනයේ පෙන්වනවාද යන්න සෑම ගමන්කිරීමකට පෙර අවධානය යොමුකර නිවැරදිව වැසි නොමැති නම් දොරවල් යලි වසන්න.එසේ කලත් සලකුණ ආලෝකමත් නම් අදාල සංවේදක වල ගැටලුවක් තිබෙන අතර හැකි ඉක්මණින් කාර්මිකයෙකු ලවා සාදවා ගන්න.මන්ද ගමන් කරන විට නිවැරදිව වසා නොමැති දොරකින් ඔබේ වාහනයේ යන මගීන් මෙන්ම මාර්ගය භාවිතා කරන අනෙක් පාර්ශවයන්ද අනතුරකට ලක්විය හැකියි.
ලෝ ෆූවල් – Low Fuel
වාහනයේ ඉන්ධන අවම තත්වයක තිබෙන බව කියන්නේ මේ සංඤාවෙනි.මෙම සලකුණෙන් කියවෙන්නේ දැනට වාහනේ ඇති ඉන්ධන ඉතා සිමිත ගමනකට පමණක් ඉතිරිව ඇති බවත් ඉක්මනින් ඉන්ධන පිරුවුම් හලකට ගොස් නැවත ඉන්ධන ලබාගන්නා ලෙසත්ය.එහිදී වාහන වර්ගය අනුව මෙම ඉතිරිව තිබෙන ඉන්ධන පරිමාව වෙනස් වේ.මෙම සලකුණේ විශේෂත්වයක් ලෙස වාහනය පණගන්වන විට ආලෝකමත් වී පසුව නිවි යාමයි. එන්ජිම පණ ගැනිවීමේදී එසේ නොවේ නම් හෝ කඩින් කඩ ආලොකමත් වේ නම් මේ බල්බ් එක සම්බන්ධ ගැටලුවක් තිබිය හැකියි.එය සුදුසු කාර්මිකයෙක් ලවා පරීක්ෂා කරගන්න.එමෙන්ම මෙම සංඥාවේ ඇති ත්‍රිකෝණාකාර ඊතල හැඩැති සලකුණෙන් ඔබේ වාහනයේ ඉන්ධන කවුලුව ඇති දිශාව පෙන්නුම් කරයි.එය ඔබට ඉන්ධන පිරවුම් හලකදී වාහනය නැවැත්විය යුතු පැත්ත පහසුවෙන් අඳුනා ගැනීමට උදව් වේ.
ඩීසල් වාහන වලටම වෙන්වු සංඥා
ඩීසල් පාර්ටිකියුලේට් ෆිල්ටර් වෝර්නින් ලයිට් – Diesel Particulate Filter Warning Light
DPF හෝ එක්සෝස්ට් පාර්ටිකියුලේට් ෆිල්ටර් වෝර්නින් ලයිට් ලෙසද හැඳින්වෙනවා
ඔබට තිබෙන්නේ ඩීසල් වාහනයක් නම්, පිටවන වායු අංශු පෙරණයේ ගැටළුවක් ඇත්නම් මෙම ලයිට් වලින් එකක් දැල්වෙනවා, මෙමඟින් සිදුවන්නේ විමෝචනය අඩු කිරීම සඳහා පිටාර වායූන්ගෙන් හානිකර දෑ ඉවත් කිරීමයි. ෆිල්ටරය අපද්‍රව්‍ය නිසා අවහිර වී ඇති බව මේ ලයිට් එකෙන් ඇඟවෙන්න පුලුවන්.
DPF ලයිට් එක දැල්වෙන විට තවදුරටත් ධාවනය කළ හැකිද?
ඔබ ඇක්සලරේටරය පාගන සෑම අවස්ථාවකම විෂ සහිත කළු දුමාරයක් මුදා හැරීම මෙන්ම අවහිර වූ ෆිල්ටරයක් සමඟ ධාවනය කිරීමෙන් ඔබේ මෝටර් රථයට වඩාත් බරපතල හානියක් සිදුවෙන්න පුලුවන්. මෙම ෆිල්ටර්ස් ප්‍රතිස්ථාපනය කිරීම මිල අධික විය හැකි නිසා ඔබට හැකි ඉක්මනින් එය පරීක්ෂා කර බැලීමට ගරාජයකට යා යුතුයි.
|
ඔබේ මිතුරන්ටත් මේ ලිපිය වැදගත්වෙයි කියල හිතනවනන් පහලින් තියෙන සෝශල් මේඩියා බටන් වලින් ශෙයා කරන්න අමතක කරන්න එපා 🙂
|
ලින්ක් එකතුව
- වාහනයක් search කරන්න – careka.lk search click here
- ඉදි‍රියටත් ආටිකල් කියවන්න ෆලෝ කරන්න – careka.lk FB page click here
- මයිලේජ් පිලිබඳ ලිපිය(ඉන්ධන කාර්‍යක්ෂමතාවය වැඩි කර ගන්න) – Click Here
- වාහන විකිණීම ගැන ලිපිය – Click Here
- careka.lk Facebook Group – Click Here
|
ඔයාලත් වාහනයක් ගන්න හරි විකුණන්න හරි ඉන්නවනන් careka.lk එකෙන් ලේසියෙන් කිසිම අමතර ගාස්තු නැතුව වැඩේ කරගන්න පුලුවන් – දැන්ම වෙනස බලන්න. CLICK HERE
