හදිසියේ වාහනයේ හුළං ගිය අවස්ථාවකට ඔබ සූදානම්ද? In case of a tyre puncture, are you ready ?

හිතන්නෙවත් නැති වෙලාවක වාහනේ රෝදෙක හුළං යන අවස්ථාවක් මතක් කරන්න. රෝදෙක හුළං යන එක එහෙම නැත්නම් ටයර් පන්ච් කියලා අපි හඳුන්වනදේ කොයි වෙලාවේ කොහෙදි සිද්ධ වෙයිද කියලා බලාපොරොත්තු වෙන්න බැහැ. අනිත් කාරණාව තමයි සාමාන්‍යයෙන් ඕනම වාහන හිමිකරුවෙක් කොහෙදිමහරි මුහුණ දෙන්න වෙන තවත් එක අකරතැබ්බයක් තමයි ටයර් පන්ච් කියන්නේ. ටයර් එකක් මරු කරගන්න විදිය මොකක්ද සහ ඒ වගේ හදිසි අවස්ථාවන්වල හැසිරෙන්නේ කොහොමද කියලා දැනගෙන හිටියොත් ලොකු කරදරයකින් තොරව, යන ගමන පරක්කු කරගන්නෙත් නැතුව ආපහු වාහනේ පාරට දාන්න පුලුවන්.

ටයර් පන්ච් අවම කරගන්න, පන්ච් එකක් උන වෙලාවට මොකද කරන්නේ සහ ටයර් පන්ච් එකෙන් පස්සේ මොකද කරන්න ඕනේ කියලා අද අපි ඔබට කියනවා.

  1. ටයර් මිලදී ගැනීමට පෙර

  • වාහනේට ටයර් දාද්දී විශ්වාසවන්ත තැනකින් හොඳ ටයර් අරගන්න. කල් ඉකුත් උනාට පස්සේ ටයර් භාවිතා කිරීමෙන් වළකින්න. සෙකන්ඩ් හෑන්ඩ් වාහනයක් නම් මිලදී ගන්නේ ඕනවට වඩා ගෙවුණු, ඉරි තැළුණු හෝ මොනයම් ආකාරයකට හානි වීමක් පේන්න තියෙනවා නම් ඔයා එක්කන් යන මැකෑනික්ට පෙන්නන්න. එහෙම පාවිච්චි කල වාහනයක් ගන්නකොට ටයර් වල අඩුපාඩුවක් තියනවනන් අලුත් ටයර් ගන්න යන ගාන කේවල් කරල අඩු කර ගන්න බලන්න.

  • හදිස්සියට උදවු කරන අය

 

වැඩේ කරන්න දැනුම තිබුණත් කොච්චර ආයුධ ආම්පන්න තිබුණත් සමහර වෙලාවල් එනවා රෝදවල බෝල්ට් ඇණ ලූස් වෙන්නේ නැති, රෝදය එක තැනක තියාගන්න බැරි වෙලාවල් එනවා. තනියම වැඩේ කරගන්න අමාරු වෙලාවට උදව්වට එන ‘රෝඩ් සයිඩ් ඇසිස්ටන්ස්’ ආයතනයක දුරකතන අංකයක් හැමවෙලාවෙම ළඟ තියාගන්න.. බැරිම අතක් ආවොත් එක කෝල් එකකින් උදව්වට එන්න අය ඉන්නවා කියලා දැනගෙන ඉන්න එක හිතට සැනසීමක්.

 

  1. ටයර් පන්ච් එකක් වුණු අවස්ථාවක!

 

  • සූදානම් වෙලා ඉන්න.

ටයර් පන්ච් එකක් උන වෙලාවට ඕන කරන ටූල්ස් තියෙන්නේ කොහෙද කියලා දැනගෙන ඉන්න. ඕනම අවස්ථාවකට සූදානම් වෙලා හිටියොත්, ඕන කරන දේවල් කොහෙද තියෙන්නේ කියලා හරියටම දැනගෙන හිටියොත් පාරේ යන වාහන නවත්ත නවත්ත ටූල්ස් ඉල්ලන්න ඕන වෙන්නේ නැහැ.

 

  • සන්සුන් වෙන්න.

 

හයිවේ එකක වේගයෙන් ගමන් කරද්දි ටයර් පන්ච් එකක් උනත් ලොකු තදබදයක් මැද්දේ ටයර් පන්ච් එක උනත් කිසි දේකට කලබල වෙන්න එපා. වේගයෙන් ගමන් කරන වෙලාවක නම් ඇක්සලරේට් කරන එක නවත්තලා ටික ටික බ්‍රේක් කරන්න වාහනය සම්පූර්ණයෙන්ම නවතිනකන්. හයිවේ එකේදි එක පාරට බ්‍රේක් කරන්න යන්න එපා වාහනයේ අධික වේගයත් එක්ක ටයර් පන්ච් එකකුත් තියෙන නිසා වාහනේ පෙරලෙන්න පුලුවන්, කරන්න ඔනේ ඇක්සලරේට එකෙන් කකුල අයින් කරල වහානේ වේගය අඩු කරගෙන පාරේ ඉඩ තියෙන අනික් වාහන වල ගමන හරස් නොවන සමතල තැනකින් පාක් කරගෙන ඩබල් සිග්නල් දාන එක.එ වගේම මෙහිදී වාහනය හරවන විට එකවරම ක්ෂණික හැරවීමක් සිදු නොකර සිටින්නා මතක තබාගන්න. නමුත් ට්‍රැෆික් සහිත පාරකදී නම් වාහනේ වේගය අඩු නිසා හෙමීට බ්‍රේක් කරල වාහනේ අයිනකින් නවත්ත ගන්න පුලුවන්.

 

  • ටයර් එක මාරු කරන්න ඕනේ අවස්ථාවක් නම් ඔබම උත්සහ කරන්න.

 

ඔබ වැඩිය ආසා නැති ඔබව භීතියට පත් කරන දෙයක් වෙන්න ඇති මේ වැඩේ. ඒත් ඕනම ඩ්‍රයිවර් කෙනෙක් අනිවාර්යයෙන්ම දැනගෙන ඉන්න ඕනේ දෙයක් තමයි කොහොමද ටයර් එකක් මාරු කරන්නේ කියන එක.  අනිවාර්යයෙන් මේ ගැන වීඩියෝ එකක් හරි බලල දැනුවත් වෙලා ඉන්න එක වටිනවා.ඉතින් ටයර් මාරු කිරීම පිලිබඳව දළ අදහසක් ගන්න එකට පහල විඩීයෝ එක ඔබට උදව් වෙවිටයර් මාරු කිරීම පිලිබඳව දළ අදහසක් ගන්න එකට පහල විඩීයෝ එක ඔබට උදව් වෙවි.

 

https://www.youtube.com/watch?v=joBmbh0AGSQ

  • අමතර ටයර් එකකට මාරු උනාම…

තිබ්බ සාමාන්‍ය ටයර් වලට වඩා මේ අමතර / ස්පෙයාර් ටයර් එක ටිකක් වෙනස්. මේකෙන් යද්දි ස්පීඩ් එක, බ්‍රේක් වෙන විදිය කලින්ට වඩා පොඩි පොඩි වෙනස්කම් වෙනවා. මේ දේවල් අධ්‍යනය කරන්න. කොහොමත් අමතර ටයර් එක හදලා තියෙන්නේ ගොඩක් දුර ගමන් යන්න ගැලපෙන විදියට නෙමෙයි. ඒක නිසා පුලුවන් ඉක්මණට අලුත් රෝදෙකට මාරු වෙන්න හෝ ටයර් පන්ච් එක උන ටයර් එක යථා තත්ත්වයට පත් කරගන්න.

  1. සාමාන්‍යයෙන් එදිනෙදා කරන්න පුලුවන් දේවල්

  • නිතරම කාර් එක චෙකප් වලට අරන් යන්න.

නියමිත කාලෙකට පාරක් වාහනය මැකැනික් කෙනෙක් ගාවට අරන් ගිහින් චෙක් කරගන්න පුලුවන්නම් ටයර් පන්ච් එකක් වෙන්න පුලුවන් සම්භාවිතාව රෝදයක් තිබ්බ කියන්නේ ඉතිං රෝදයක් නැහැ වගේම දෙයක්. ටයර් කොච්චර පරණද කියලා හොයාගන්න විදිය දන්නවද? ටයර් එකේ අයිනේ තියෙනවා DOT කෝඩ් එක. මේකේ මුල් ඉලක්කම් දෙකෙන් නිෂ්පාදිත සතියත් අන්තිම ඉලක්කම් දෙකෙන් නිෂ්පාදිත වර්ෂයත් දැක්වෙනවා.

  • ඌෂ්ණ කාලවල විශේෂයෙන් සැලකිලිමත් වෙන්න.

දැඩි උෂ්ණත්වය ටයර් වලට තර්ජනයක්. විශේෂයෙන්ම හරියට නඩත්තු කරපු නැති ටයර් වලට. ඒක නිසා රස්නේ කාලෙට ටිකක් වැඩියෙන් රෝදවල හුළං මට්ටම ගැන සැලකිලිමත් වෙන්න.

ඉතින් මේ පොඩි පොඩි උපදෙස් ටික සිහියේ තියාගෙන ටයර් එකක් මාරු කරන විදිය ගැන ප්‍රායෝගිකව පුහුණු වෙලා හිටියොත් නම් ටයර් පන්ච් එකකට මුහුණ දෙන එක අමාරු දෙයක්

|

ලින්ක් එකතුව

  • වාහනයක් search කරන්න – careka.lk search click here
  • ඉදි‍රියටත් ආටිකල් කියවන්න ෆලෝ කරන්න  – careka.lk FB page click here
  • මයිලේජ් පිලිබඳ ලිපිය(ඉන්ධන කාර්‍යක්ෂමතාවය වැඩි කර ගන්න) – Click Here 
  • වාහන විකිණීම ගැන ලිපිය – Click Here
  • careka.lk Facebook Group – Click Here

මේ ආටිකල් එක ගැන ඔබට හිතෙන දේ කමෙන්ට් එකක් දාල යන්න අමතක කරන්න එපා 🙂

|

ඔයාලත් වාහනයක් ගන්න හරි විකුණන්න හරි ඉන්නවනන් careka.lk එකෙන් ලේසියෙන් කිසිම අමතර ගාස්තුවක් නැතුව වැඩේ කරගන්න පුලුවන් – දැන්ම වෙනස බලන්න. CLICK HERE

4 comments

  1. Thank you so much. I wish I would read this earlier. The information and instruction that you give us are very useful and perfect. Your guidance save our money as well as our valuable time. Thank you so much.

Leave a Reply

Your email address will not be published. Required fields are marked *