මෝටර් රථ ධාවන තරඟ (Motor Sports) කියන්නේ, ලොව පුරා ජනප්‍රිය, රථවාහන වලට කැමති අයගෙ වැඩි අවදානයක් යොමුවන ක්ෂේත්‍රයක්. මෙම තරග නොයෙකුත් තාක්ෂණික කරුණු ඔස්සේ අංශ කිහිපයකට බෙදෙනවා Endurance, Open wheel, Rally යනු මේවාගෙන් ප්‍රධාන තරඟ ඛාණ්ඩ කීපයක්. මෙයින් ඉතා ජනප්‍රිය රැලී තරඟාවලියක් වන World Rally Championship (WRC) ගැනයි අද අපේ ලිපිය.
සමාරභක අවධිය
18වන ශත වර්ෂය ආරම්භයේ සිටම, නොයෙක් ධාවන තරඟ පැවතුනා. නමුත් මෝටර් රථ නිෂ්පාදයකයින්ට සෘජුව එකිනෙකා සමග තරඟ කරන්න තමන්ගෙ වාහන සන්සන්දනය කරන්න අවස්ථාවක් ලැබුනෙ නෑ. මේ වෙනුවන් කලක් පුරා තිබුන ඉල්ලුම සපුරාලීමක් වශයෙන් 1973දී ලෝක රැලී ධාවන ශූරතාවය ( FIA World Rally Championship) ආරම්භ විය. මෙම පලමු තරඟාවලිය මොනකෝ (Monaco) රාජ්‍යයේ අදියර 13න් යුතු තරඟයක් ලෙස ආරම්භ විය.
මෙම සමාරම්භක තරඟයේ සමස්ථ දුර 4800Km විය. තරඟ ආරම්භයේදී මෝටර් රථ 89 සහභාගීවූ නමුත් ඉන් තරඟය අවසන් අවසන් කිරීමට හැකිවූයේ රථ 51ට පමණි. තරඟාවලිය පුරා දක්ෂ ලෙස තම Alpine-Renault A110 1800 රථය ධාවනය කල Jean-Claude Andruet, Jean-Pierre Nicolas සහ Jean-Luc Thérier විසින් පලමු WRC ශූරථාව දිනා ගන්නා ලදී.
Group B (1982 – 1986)
1973 සිට 1982 දක්වා මෙම සමාරභක අවධිය පැවතුනි. නමුත් 80 දශකයේ ආරම්භයත් සමග වැඩි බලයක් සහ 4X4 මෝටර් රථ තරඟයට එක් වීමත් සමග Group B ඛාණ්ඩය ලෙස WRC තම දෙවන අදියරට එලඹීය. මෙම අදියර ඉතා වේගවත් සහ බල සම්පන්න මෝටර් රථ මාදිලි මෙන්ම තක්ෂණය එකතු වූ කාලයක් විය. එම හේතුව නිසාම මෙය ලෝක රැලී ධාවන තරඟයේ ස්වර්ණමය යුගය ලෙස හැඳින්වේ. මෙහි එක් උදාරණයක් නම් ලිස්සන සුලු බොරලු (Gravel) මාර්ගයේත් 0-60mph (96Km/h) වේගයක් තත්පර 2.3දී ලබා ගැනීමේ හැකියාවක් Group B මෝටර් රථ වලට තිබීමයි.
මෙම අවධිය ඉතාම පෙරලිකාර රථ ගණනාවක් මෝටර් රථ ලෝලීන්ට දැක ගැනීමට ලැබුනු අවධියකි.Audi Sport Quattro S1, Ford RS200, Lancia Delta S4, ඉන් ඉතා ජනප්‍රිය රථ කීපයකි. නමුත් සමස්ථ අවධිය පුරාවට වැඩිම ජයග්‍රහණ ගත්තේ Peugeot 205 T16 රථයයි.
Source : https://supercarnostalgia.com/blog/peugeot-205-t16-evolution-2
නමුත් මෙහි පැවති අදික වේගයත් සමගම තරඟාවලිය, ධාවකයින්ට මෙන්ම ප්‍රේක්ෂකයින්ටද අන්තරාදායක විය. තරඟාවලිය පුරාවට වරින්වර බරපතල අනතුරු වාර්ථා වුනු අතර 1986 දී Ford RS200 රථයක් ප්‍රේක්ෂයන් හා ගැටුනු අතර ඉන් ට වැඩි ප්‍රේක්ෂකයින් 30 ප්‍රමාණයක් තුවාල වී 3 තිදෙනෙක් මරණයට පත්විය. එම තරඟාවලියේදීම ඉදිරියෙන් ධාවනය කල Lancia Delta S4 රථය මාර්ගයෙන් ඉවතට ගොස් ගිණි ගැනීම නිසා රියදුරු සහ සහයක රියදුරු දෙදෙනාම ක්ෂණිකව මරණයට පත්විය.
මෙම අනතුරත් සමග FIA විසින් Group B රථ වේගයත් සමග ආරක්ෂාව මද බව නිගමනය කර 1986 දි, Group B ඛාණ්ඩය අහෝසි කරනු ලැබුවා.
Group A (1987 -1996)
1987 සිට FIA විසින් Power, Aerodynamics යම් තරමකට සීමා කර, වාහන නිෂ්පාදකයින්ට ඔවුන්ගේ Production models පමණක් භාවිතා කර තරඟ ආරම්භ කරනු ලැබුවා. ඒ සමග Mitsubishi Lancer Evolution වැනි අලුත්ම මාදිලි මෙන්ම අඩු වියදමකින් තරඟ කිරීමට හැකි නිසා පුද්ගලික කණ්ඩායම්ද WRC තරඟාවලියට අවතීර්ණ විය.
මෙම අවදියේ දකින්නට ලැබුන වැදගත්ම කරුණක් වන්නේ, එවකට යුරෝපීය නිෂ්පාදකයින් විසින් ග්‍රහණය කරගෙන තිබුන ශූරථාව සමග තරඟ කිරීමට,Mitsubishi, Subaru, Toyota වැනි ජපන නිෂ්පාදකයින්ද එකතු වීමයි.
Source : https://www.wrcwings.tech/wp-content/uploads/2017/10/TC95-Tommi.jpg
World Rally Cars (1997 -2016)
නිෂ්පාදන මාදිලි (Production models) වෙනුවෙන් තිබුන නීති යම් මට්ටමකට ලිහිල් කරමින් 1997දී WRC විසින් අලුත් ඛාණ්ඩය හඳුන්වා දුන්නා. මෙහි අරමුණ වූයෙ අඩු වියදමින් වැඩි නිෂ්පාදකයින්ට Rally ධාවන තරඟයට අවතීර්ණ වීමට ඉඩ සැලැස්වීමයි.
මෙම අවදියේ තරඟ ක්‍රමවේදයෙත් වෙනස්කම් කරනු ලැබුවා. කෙටි කාලයක් තුල කරන දීර්ඝ තරඟ වෙනුවට අවුරුද්ද පුරා විහිදුනු කෙටි තරඟ හඳුන්වා දෙනු ලැබුවා. මෙහෙ ආරම්භක කාලයේදී Tommi Mäkinen ධාවනය කල, එවකට ජනප්‍රිය රථයක් වූ Mitsubishi Lancer Evolution රථයට වැඩි ජයග්‍රහණ ලබා ගැනීමට හැකිවිය.
.jpg){kind=link}
World Rally Cars (2017 -2021)
මෙම අවධියේදී තාක්ෂණයේ දියුණුවත්, ආරක්ෂිත ක්‍රමෝපායන්ගේ දියුණුවත් සමග, පැරණි Group B යුගයේ වේගය ත්‍රාසය නැවතත් ප්‍රේක්ෂකයින්ට ලබා දීමට FIA කටයුතු කරණු ලැබුවා.
ඒ අනුව Engine power, Aerodynamics යන කරුණු නැවතත් වෙනස් කරණු ලැබූ අතර Electronic driver assist, (Electronic stabilizing, Electronic differential, etc) වැනි දේ ඇතුලත් කරමින් තරඟාවලියේ මෝටර් රථවල ආරක්ෂාව වැඩි කිරීමට FIA විසින් නීති ගෙන ආවා. මෙම අලුත් වෙනස්කම් සමග Hyundai, Citroën වැනි නිෂ්පාදකයින් වත්මන් World Rally Championship වල ඉදිරියට පැමිණ තිබෙනවා.
මේ වනවිට අවුරුදු 50 ආසන්න කාලයක් පුරාවට ලොව පුරා ප්‍රේක්ෂකයින්ට රසාස්වාදය මෙන්ම, රථවාහන තාක්ෂණයේ දියුණුවටත් උදව්කල World Rally Championship ශූරතාවය ඉදිරි දශකයට සුදුසු ලෙස නව නීති රාමුව සකස් කරමින් සිටින බව සඳහන්. විශේෂයෙන්ම, advanced electronics, hybrid තාක්ෂණය එකතු කරගෙන අලුත් රථවාහන පරපුරක් ලෝකයට හඳුවා දෙමින් තම ශූරතාවය ඉදිරියටත් රැගෙන යාම FIA ආයතනයේ බලාපොරොත්තුවයි.
|
ඔබේ මිතුරන්ටත් මේ ලිපිය වැදගත්වෙයි කියල හිතනවනන් පහලින් තියෙන සෝශල් මේඩියා බටන් වලින් ශෙයා කරන්න අමතක කරන්න එපා 🙂
|
ඔයාලත් වාහනයක් ගන්න හරි විකුණන්න හරි ඉන්නවනන් careka.lk එකෙන් ලේසියෙන් කිසිම අමත‍ර ගාස්තු නැතුව වැඩේ කරගන්න පුලුවන් – දැන්ම වෙනස බලන්න. CLICK HERE
