අඩු වියදමින් තමන්ටම කරගන්න පුලුවන් කාර් මොඩ්ස් – Interior Modifications

 

වාහනේ කියන්නේ ඕනෙම කෙනෙක්ගේ පෞර්ෂයේම කොටසක්. වාහනේ තමන්ට ගැලපෙන විදිහට මොඩිෆයි කරන්න, ලස්සන කරල තියාගන්න ගොඩක් අය ආසයි, නමුත් ගොඩක් මේ වගේ උපාංග වැඩිදියුණු කරන්න ලොකු මුදලක වැය වෙනවා, අද අපි කියන්නේ අඩු මුදලකින් වාහනේ ඇතුලත කරගන්න පුලුවන් ලස්සන පොඩි පොඩි මොඩිෆිකේශන් ගැන. 

මෙහි ඇති මිල ගනන් දළ වශයෙන් වන අතර, ඔබේ අවශ්‍යතාවයේ සහ අනෙකුත් කාරණා මත මිල වෙනස් විය හැකි බව සලකන්න*

 

  • කාපට් (Floor Mats)

ඔබේ වාහනේ කාපට් නැත්නම් ෆ්ලෝ මැට් පරණ වෙලා නම්, ටිකක් ලස්සන අලුත් මැට් පාවිච්චි කරල වාහනේ ඇතුලත අලුත් පෙනුමක් ගන්න පුලුවන්. නොයෙකුත් අමුද්‍රව්‍ය වලින් සැකසූ මැට් දැන් වෙලඳ පොලේ දැක ගන්න පුලුවන්, උදා; රබර්, වෙල්වට්, නයිලෝන් සහ පීවීසී වගේ.

වැය විය හැකි මුදල – රු.3,500-6,000

 

  • වයිනල්(Vinyl)

වාහනේක ඇතුලත හෝ පිටත අලංකාර කිරීමට හෝ සීරීම වලක්වා ගන්න වයිනල් පාවිච්චි කරනවා. ඉතින් ඔබට කැමති ආකාරයටකට හෝ පාටකින් මේවා ලබා ගන්න හැකියාව තියනවා. වයිනල් ගොඩක් වෙලාවට ස්ටිකර් මාදිලියෙන් තමා ලබා ගන්න පුලුවන්, සමහර වෙලාවට රත් කිරීමෙනුත් වයිනල් වාහනේ උපාංග වල හැඩයට ගැලපෙන විදිහට සකසාගන්න පුලුවන්. 

මෙහි ඇති ලොකුම වාසිය තමයි අවශ්‍ය වෙලාවක ලේසියෙන් මේවා ගලවගන්න පුලුවන් එක. 

වැය විය හැකි මුදල – රු.900 සිට ඉහලට

 

  • සුක්කානම් කවර (Steering Wheel Covers)

ඉතාම අඩු මිලකට ලේසියෙන් කරන්න පුලුවන් මොඩ් එකක් තමයි සුක්කානම් කවර් එකක් දාන එක, වාහනේට අලුත් පෙනුමක් ඉතා ඉක්මනින් ලබා ගන්න පුලුවන් ඒවගේම හොඳ මාදිලියක කවර් එකක් මගින් ග්‍රිප් එකත් වැඩි කරන්න පුලුවන්.

වැය විය හැකි මුදල – රු.1,000 සිට ඉහලට

 

  • පෙඩල් කවර්ස් (Pedal covers)

වාහනේ තිබෙන පෙඩල් වලටම උඩින් කවරයක් ලෙස මේක පාවිච්චි කරන්න පුලුවන්, හැබැයි මේවා සවි කරද්දි හොඳින් බලන්න ගැලවෙන් නැති වෙන විදිහට කරගන්න, මොකද පෙඩල් කියන්නේ වාහනේ ක්‍රියාකාරීත්වරයට සහ ආරක්ෂාවට ඉතා වැඩගත් දෙයක් නිසා. ලිස්සන සුලු පෙඩල් කවර් වලින් අනතුරකට උනත් හේතු වෙන්න පුලුවන්.

වැය විය හැකි මුදල – රු.800 සිට ඉහලට

 

  • ඇතුලත LED ලයිට්ස් (Interior LED lighting)

තවත් අඩුමිලට කරන්න පුලුවන් මොඩ් එකක් තමයි වාහනේ ඇතුලේ LED ලයිට් සවිකිරීම, තමන්ට උනත් සවිකරගන්න පහසු ආකාරයට මෙම ලයිට් දැන් මිලදී ගන්න පුලුවන්. ඒවගේම සමහර මාදිලි වල රිමෝට් එකකින් පාට වෙනස් කරන්න උනත් පුලුවන්කම තියනවා

වැය විය හැකි මුදල – රු.1,500 සිට ඉහලට

 

  • ගියර් නොබ් එක (Gear Shift Nob)

ඔබේ පරණ ගියර් නොබ් එක වෙනුවට ලස්සන වෙනස් මාදිලි වලින් ඔබට නොබ් මිලදී ගන්න පුලුවන්, දැන් ඔබට අවශ්‍ය විදිහට අකුරු සහිතව(Custom) පවා නොබ් හදල දෙන ව්‍යාපාර අපිට දැකගන්න පුලුවන්. 

වැය විය හැකි මුදල – රු.1,500 සිට ඉහලට

 

  • පිටුපස බලන කන්ණාඩිය (Rear view mirror)

ඔබට දැන් වැඩි පරාසයක් පෙනෙන පිටුපස බලන කන්ණාඩි ඉත අඩු මිලකට ලබා ගන්න පුලුවන්, ඒ වගේම විඩියෝ තාක්ශණය මගින් ඔබේ වාහනයේ ඩෑශ් කැම් ආකාරයෙනුත් මේ කන්ණාඩිය ලබා ගන්න පුලුවන්, ඒවා නම් ටිකක් මිලෙන් වැඩියි.

වැය විය හැකි මුදල – රු.1,000 සිට ඉහලට

 

  • සීට් කවර් (Car seat Covers)

ඔබේ වාහනයට අලුත්ම පෙනුමක් ලබා දෙන්න කාර් සීට් කවර් වලට පුලුවන්, ඉතින් ඔබටත් වෙල්වට්, ලෙදර් වගේ නොයෙකුත් අමුද්‍රවය වලින් සෑදූ සීට් කවර් වලට වාහනේ වැඩිදියුණු කරන්න හැකියාව තියනවා.

වැය විය හැකි මුදල – රු.5,000 සිට ඉහලට

 

 

  • ඩෝම් ලයිට් එක (Colored Car dome light)

ඔබට වාහනේ ඩෝම් ලයිට් එක වර්ණයක් සහිතව මොඩිෆයි කරගැනීමේ හැකියාව තියනවා. 

වැය විය හැකි මුදල – රු.1,500 සිට ඉහලට

 

  • සීට් බෙල්ට් කවර් සහ කුශන් (Seat Belt Covers and cushions)

විවිධ මාදිලි වලින් ඔබට සීට් බෙල්ට් කවර් සහ සීට් කුශන් ලබා ගන්න පුලුවන් ඉතාම අඩු මිලකට.

වැය විය හැකි මුදල – රු.1,000 සිට ඉහලට

|

ඔබේ මිතුරන්ටත් මේ ලිපිය වැදගත්වෙයි කියල හිතනවනන් පහලින් තියෙන සෝශල් මේඩියා බටන් වලින් ශෙයා කරන්න අමතක කරන්න එපා 🙂

|

ඔයාලත් වාහනයක් ගන්න හරි විකුණන්න හරි ඉන්නවනන් careka.lk එකෙන් ලේසියෙන් කිසිම අමත‍ර ගාස්තු නැතුව වැඩේ කරගන්න පුලුවන් – දැන්ම වෙනස බලන්න. CLICK HERE

Leave a Reply

Your email address will not be published. Required fields are marked *