ඉන්ධන කාර්‍යක්ෂමතාවය වැඩිකරගන්න ටිප්ස් – Tips to increase fuel efficiency

කාර් එක දුවන කිලෝමීටර් ගාණ වැඩි කරගන්න !

ලෝකේ එක එක රටවල මිනිස්සු එක එක දේවල් වලට ආසයි. වාහනවලට කියලත් එහෙම ලොකු වෙනසක් නැහැ. ඔයා කොහේහරි යද්දි එක එක බ්‍රෑන්ඩ්වල, එක එක මොඩ්ල්වල වාහන හම්බවෙන්නේ ඒ නිසයි. මේ මොන විදියේ වාහනයක් ඔයාට තිබ්බත් ලෝකේ ඉන්න සෑම මෝටර් රථ හිමිකරුවෙකුම වැදගත් වෙන දෙයක් තියෙනවා. ඒ තමයි වාහනේ මයිලේජ් එක නැත්නම් යම් ඉන්ධන ප්‍රමාණයකට යන්න පුලුවන් කිලෝමීටර් ගාන. ඔයාගේ වාහනේ මයිලේජ් එක වැඩි කරගන්න පුලුවන් විදි කිහිපයක් අද අපි කියනවා.

  1. ස්ථාවර වේගය

සාමාන්‍ය පාරවල් වල යන වාහනවලට ගැලපෙනම ඉන්ධන කාර්යක්ෂමතාවයෙන් වැඩිම වේගය විදියට 60kmph හඳුන්වන්න, විද්‍යාත්මක හේතු ගාණනාවක්ම තියෙනවා. අධ්‍යන වලින් ඔප්පු වෙලා තියෙනවා යෝග්‍ය වේගය නිසා ඉන්ධන ඉතුරු වෙනවා කියලා ඒකියන්නේ අඩු ඉන්ධන ප්‍රමාණයකින් වැඩි කිලෝමීටර් ගාණක් දුවන්න පුලුවන් වෙනවා කියලා. මෙහෙම වෙන්නේ නිතරම වේගය වෙනස් කරන්න එන්ජිමට බලය ඕනේ නිසා. ඒ බලය ගන්නේ වැඩිපුර ඉන්ධන දහනය කරලා. වැඩි වේගයකින් යද්දී නිතරම බ්‍රේක් කරන්නත් වෙනවා, එතකොටත් ශක්තිය අපතේ යනවා. ගොඩක් මෝටර් රථ නිෂ්පාදකයින් ස්ථාවර වේගයක් පවත්වාගන්න කියලා උපදෙස් දෙනවා. ගොඩක් අවස්ථාවල මේ ස්ථාවර වේගය වෙන්නේ 60kmph. ඉතින් ආයෙත් ඔයා වාහනේ ට්‍රැෆික් අඩු වෙලාවක ඩ්‍රයිව් කරද්දී මේ ස්පීඩ් එක තියාගෙන යන්න උත්සහ කරන්න.

  1. හරියට ගියර් මාරු කරන්න.

ඔබේ වාහනයේ තිබෙන්නේ මැනුවල් ජියර් බොක්ස් එකක් නම් මයිලේජ් එක වැඩි කරගන්න ඉහල ගියර් වලට ඉක්මනිණ් ලඟාවෙන්න බලන්න.ගියර් මාරු වෙන කාලය,වේගය එන්ජින් එක සහ ගියර් එක මත වෙනස් වුනත් දෙවෙනි ගියරයට 25kmh පමණ වේගයකින් මාරුවී ඊලඟ ඉහල ගියර් වලට 48kmh ත් 55kmh වැනි වේගයකින් වාහනය යන විට මාරු වෙන්න පුලුවන්.(මෙම වේගයන් ඔබේ වාහනය,වාහනේ එවෙලේ සිටින මඟින් ගණන හෝ භාන්ඩ මත වෙනස් විය හැකියි.) එ වගේම මතක තබාගන්න ඔබ ඉහල ගියර් එකකට යන විට වාහනයේ පවත්නා වේගය තබා ගැනීමට ලබාදෙන බලයට වඩා වැඩි බලයක් එන්ජිමෙන් ලබාදීම ක්‍රමිකව තත්පර ගනනකදී සිදුවෙන බව.ඉතින් ඔබ නවකයෙක් නම් ගියර් මාරු කිරීමේ වේගය ගැන අවබෝධයක් ලබාගන්න පුලුවන් ඔබේ ඇක්සලේටරයෙන්.ඔබේ වාහනයේ පවතින වේගය දිගටම පවත්වගන්න ඇක්සලේටර් එක වාහන බඳට ලං වෙන තුරුම තිබිය යුතු නම් ඒ ඔබට ඉහල ගියර් එකකට යා හැකි වේගයයි.

  1. RPM එක හරිද?

එන්ජිමේ වර්ක්ලෝඩ් එක ක්‍රැන්ක්ශාෆ්ට් මත තීරණය වෙනවා වගේම එන්ජිමේ ඇති කරන බලය මුලින්ම ට්‍රාන්ස්මිශන් එකටත් (සරලව ගත්තොත් ගියර් බොක්ස් එක )එතනින් රෝද කරා ගොස් තමයි ඔබට අවශ්‍ය වේගය ලැබෙන්නේ.ඉතින් මේ ක්‍රෑන්ක්ශාෆ්ට් එකේ වේගය මනින්නේ “රේවලූශන්ස් පර් මිනිට්“ අපි හැමෝම දන්න RPM කියන මිම්මෙන්.

මැනුවල් ට්‍රාන්ස්මිශන් එකකදී රියදුරුට මේ RPM එකෙ ෆුල් කන්ට්‍රෝල් එක ලැබෙන නිසා එන්ජිමේ බලය අඩු වැඩි කිරීම කැමති පරිදි කරන්න පුලුවන්.මෙතනදී ඔබ අඩු ගියර් වල යනවිට RPM එක වැඩි අගයක් ගන්නවා.එ කියන්නේ ඉන්ධනත් වැඩියෙන් දහනය වෙනවා.ඉතින් ඔබට දැන් තේරෙනවා ඇති ඇයි දෙවෙනි කරුණෙදී ඉක්මණින් ඉහල ගියර් වලට යන්න කියපු හේතුව.

සරලව කිව්වොත් වාහයේ වැඩියෙන් රේස් කර කර වේගෙන් යනව කියන්නෙ තෙල් වැඩිපුර පිච්චෙනවා කියන එක RPM එක 2.5 වලට වඩා අඩුවෙන් තියගෙන ගියොත් උපරිම ඉන්ධන කාර්යශමතාවක් ලබා ගන්න පුලුවන්, සමහර RPM මීටර් වල Eco කියලා කොල පාටින් මේක පෙන්නලා තියනවා

  1. කකුල රෙස්ට් එකේද?

ඔබ බ්‍රේක් පැඩ්ල් එකේ කකුල රේස්ට් එකේ තබාගෙන යනවා නම් අවම වශයෙන් හරි.. වාහන්යේ ඉන්ධන කාර්යක්ෂම බව සුලු වශයෙන් හෝ අඩුවෙන්න පුලුවන්.එ නිසා එ ගැනත් සැලකිලිමත් වෙන්න

  1. තත්පර 30 නීතිය

ට්‍රැෆික් ලයිට් වලදි එන්ජින් එක ඕෆ් කරන්න කියන උපදෙස අහල තියෙනවද? ඒත් අපි ඔයාට කියන්නේ නම් මේ උපදෙස හැමවෙලාවෙම හරියන්නේ නැහැ කියලයි. මොකද විශේෂඥ උපදෙස තමයි ඔයා තත්පර 30කට වඩා එක තැන නතර වෙලා ඉන්න අදහසක් නැත්නම් එන්ජින් එක ඕෆ් කරන්න එපා කියන එක. මොකද මීට වඩා අඩු වෙලාවකට නම් ඔයා එන්ජින් එක ඕෆ් කරන්නේ, එහෙම ඉතුරු කරන ඉන්ධන ප්‍රමාණයට වඩා වැඩි ඉන්ධන ප්‍රමාණයක් නැවත එන්ජින් එක පණ ගන්වන්න වැය වෙනවා. ආයෙත් ට්‍රැෆික් ලයිට් එකකදි එන්ජින් එක ඕෆ් කරන්න කලින් කොළ ලයිට් එක පත්තු වෙන්න තව තත්පර කොච්චරක් ඉතුරු වෙලා තියෙනවද කියල බලන්න.

  1. පාවිච්චි කරන්නේ නැති වෙලාවට AC ඕෆ් කරන්න/ අඩු කරන්න.

කොහේ AC නැතුව ඉන්නද? එළියේ කොච්චර රස්නෙද කියලා කියන්න කලින් මේක කියවල ඉන්න. රස්නේ කාලගුණයත් එක්ක වාහනේ AC අත්‍යවශ්‍ය දෙයක් තමයි, ඒත් මේ වාක්‍ය ටයිප් කරන්න යන වේගෙට වඩා වැඩි වේගෙකින් ඔයාගේ වාහනේ AC එක ඉන්ධන දහනය කරනවා. වාහනේ ඇතුලත උෂ්ණත්වය යම් ප්‍රමානයකින් අඩුකරන්න පොටර්බල් කාර් එයාකූලින් සිස්ටම් එකක් උනත් භාවිතා කරන්න පුලුවන්.වාහනයේ ගමන් කරන්නේ රියදුරු පමණක් නම් මේ ගැජට් එකෙන් ලොකු ප්‍රයෝජනයක් ලැබෙයි. මේ නිසා AC එකේ කාර්යභාරය යම් පමණකට අඩු වෙලා, උවමනා කරන ඉන්ධන ප්‍රමාණය අඩු වෙනවා. පුලුවන් නම් ‘සන් වයිසර්ස්’ (හිරු එළියෙන් ආවරණක) පාවිච්චි කරන්න. එතකොට වාහනේ ඇතුළේ උෂ්ණත්වය ගොඩක් වැඩි වෙන්න්හැහැ. මේ වගේ පොඩි දේවල් වල ලොකු බලපෑමක් නැහැ කියලා මුලින්ම ඔයාට හිතෙන්න පුලුවන්. ඒත් කාලයත් එක්කම මේ වගේ සරල පුරුදු නිසා ඉන්ධන කාර්යක්ෂමතාව කොච්චර වැඩි වෙලාද කියලා ඔයා පුදුම වෙයි.

  1. නිවැරදි ටයර් සහ ටයර් පීඩනය තෝරගන්න.

වාහනයෙන් පොළොවේ එක දිගටම ගෑවිලා තියෙන්නේ ටයර් ටික. ඉතින් ටයර්,ඉන්ධන පාවිච්චි වෙන විදියට මේක හොඳටම බලපානවා. ඝර්ෂණය වැඩි උනාම යොදන්න ඕන බලය වැඩියි. පාරයි රෝදයි අතර ඝර්ෂණය අඩු කරාම දහන කරන්න ඕන ඉන්ධන ප්‍රමාණයත් අඩුයි. වාහනයේ මොඩ්ල් එක, පාවිච්චි කරන කාර්යය, දේශගුණය වගේ සාධක බලලා හොඳටම ගැළපෙන ටයර් මාදිලිය සහ හරිම ප්‍රමාණෙට හුළං ගහන එක හරිම වැදගත්.

  1. කාර් එක නිසිකලට සර්විස් කරන්න.

එක එක කාර්යන්ට විශේෂ උන කොටස් 30,000කින් විතර වාහනයේ අඩංගු වෙනවා. මේ කොටස් එකින් එක යැපෙනවා වගේම එක කොටසක කාර්යක්ෂමතාව තීරණය වන්නේ ඒකට සම්බන්ධ අනෙක් කොටස් වැඩ කරන ආකාරය අනුවයි. ලෙඩක් නැහැ වගේ පෙනුනත් නිසිකලට සර්විස් එකට දාන්න කියන්නේ අන්න ඒකයි. එයාර් ෆිල්ටර්ස් සහ ලුබ්‍රිකන්ට් මාරු කරලා කොටස් ටිකට දූවිලි යන්න නොදී බලාගන්න ඕනේ.

  1. ඔටෝ ගියර් සිස්ටම එක

අද කාලේ එන අලුත් වාහන ගොඩක් එන්නේ ඔටෝ ගියර් සිස්ටම් එක්ක. වාහනේ එළවන එක ඉතා පහසු උනාට මේකෙත් නරක පැත්තක් තියෙනවා. ඉලෙක්ට්‍රික් ඇල්ගොරිතමයක් මඟින් ගාණට ගියර් මාරු උනාට සමහර වෙලාවට පොඩි පොඩි පමාවීම් වෙනවා. මෙහෙම පරක්කු වෙනකොට වැඩියෙන් ඉන්ධන දහනය වෙන්න පුලුවන්.ඒ නිසා එ ගැන නිවැරදි තාක්ෂණික දැනුම තිබෙන තැනකින් වාහනය චෙක් කරගන්න.

  1. වාහනේට පටවන බර අඩු කරන්න.

වැඩි බරක් ගෙනියන්න වැඩි ශක්තියක් ඕනේ වෙනවා. වාහනේටත් එහෙම්මම තමයි. වාහනේ ගෙනියන බර  ප්‍රමාණය අඩු වෙද්දී දහනය කරන ඉන්ධන ප්‍රමාණයත් අඩු වෙනවා.

  1. පාර දැනගෙන ගමන් කරන්න.

මේකත් සාමාන්‍ය දැනීම උපදෙසක්. දන්නැති පාරවල්වල ගිහින් පාර වැරදුණොත් යන්න ඕන දුර වැඩියි. ඉතින් ගමනක් යන්න පාරට බහින්න කලින් ගමන ගැන හරි අවබෝධයක් ලබාගන්න. මොකද පාර දන්නැතුව යද්දි කොතන වරදීද කියලා අපි දන්නැහැ. මීට අමතරව ඔබ දන්න වෙනත් ක්‍රම හෝ අපේ ලිපියෙන් මඟහැරුණු විශේෂ කරුණු තිබෙනවා නම් කමෙන්ට් කරලා හැමෝම දැනුවත් කරන්නත් අමතක කරන්න එපා.

  1. බෝනස් ටිප් එකක්

ඔබ දන්නවද උදේම තෙල් ගහන එකෙන් ඉන්ධන වැඩිපුර ප්‍රමාණයක් එකම මුදලට හවස් වරුවේ තෙල් ගහනවට වඩා ලබා ගන්න පුලුවන් කියලා.

මේකෙ විද්‍යාත්මක පැහැදිලි කිරීමක් තියනවා ඒ තමයි පෙට්‍රෝලියම් වල තියෙන ප්‍රසාරණය නිසා, මේක වෙන්නේ දවල් කාලයේ තියෙන රස්නය නිසා පෙට්‍රල් ස්ටේශන් වල භූගත තෙල් ටැන්කි වල තියෙන තෙල් ප්‍රසාරණය වෙන නිසා. උශ්ණත්වය අඩු වෙද්දි තෙල්වල ප්‍රසාරණය අඩුයි ඒ කියන්නෙ ඝනත්වය වැඩී ඒ නිසා වැඩි තෙල් ප්‍රමාණයක් එකම ලීටර් ප්‍රමාණයට ගන්න පුලුවන්. අනිත් හේතුව තමයි උදේම පෙට්‍රල් ස්ටේශන් එකේ තෙල් ටැන්කි වල තියෙන රොඩු සහ සියුම් අපද්‍රව්‍ය තියෙන්නේ ටැන්කිය අඩියේ, ඒ තෙල් ටැන්කිය රෑ පුරා පාවිච්චි වෙලා නැති නිසා කැලඹිලා තියන ප්‍රමාණය අඩු නිසා.

|

ඔයාගෙ යාලුවන්ටත් දැනගන්න පහල සෝශල් මීඩියා බටන් වලින් මේ ලිපිය ශෙයා කරල අපිට සහයෝගය දෙන්න 🙂

|

ලින්ක් එකතුව

|

ඔයාලත් වාහනයක් ගන්න හරි විකුණන්න හරි ඉන්නවනන් careka.lk එකෙන් කිසිම අමතර ගාස්තුවක් නැතු වැඩේ කරගන්න පුලුවන් – දැන්ම වෙනස බලන්න. CLICK HERE

16 comments

  1. A piece of good advice for every vehicle owners specifically who drives vehicles like demons in the hell.

Leave a Reply to Srikantha Cancel reply

Your email address will not be published. Required fields are marked *