ත්‍රීවිල් එකක අංග නිවැරදිව දැනගනිමු 1

 

එදිනෙදා ගමන් බිමන් යන්න , ව්‍යාපාර කටයුතු වලට බහුලව භාවිත කරන, වාහන මිලත් එක්ක සැසඳුවොත් සහනදායි මිලකට ලබාගන්න පුලුවන් ලංකාවේ ජනප්‍රියම පවුලේ වාහනය ත්‍රීවිල් එක කියලා ඕනේම කෙනෙක් දන්න දෙයක්.ඉතින් ඔබත් ත්‍රීවීලර් එකක ආඩම්බර හිමිකරුවෙක්,හිමිකාරියක් නම් හෝ ඉදිරියේදී ත්‍රීවීලර් එකක් මිලදී ගන්න සිතනවා නම් ඒක ආරක්ෂාකාරීව පදින්න වගේම, දීර්ඝ ආයුකාලයක් පවත්වාගන්න ඔබ දැනගත යුතු දේවල් ගණනාවක්ම තියෙනවා. ඉතින් එ පිළිබඳව කතාකරන අපේ පලවෙනි ලිපිය තමයි මේ. මේ ලිපියෙදී ත්‍රීවිල් එකක අංග එකිනෙක නිවැරදි නම් වලින්ම සහ එ පිළිබඳව පැහැදිලි විස්තරයක් දැනගන්න ඔබට හැකියාව ලැබෙනවා.

  1. අගුළු

-සුක්කානම් අගුල (Steering Lock)

ත්‍රීවීලර් එකක සුක්කානම් අගුල තිබෙන්නේ ඩෑෂ්බෝර්ඩ් එකට පහළින්.

සුක්කානම් අගුල ක්‍රියාකරන ආකාරය:

  • ලොක් කිරීම: හැන්ඩ්ල් බාර් එක වම් අත පැත්තට හරවන්න, අගුලු දමන තැන හමුවන තුරු යතුර ප්‍රති-ඔරලෝසු දිශාවට (anti-clockwise) කරකවන්න. ඉන්පසු යතුර ඇතුළට තල්ලුකර දක්ෂිණාවර්තව කරකවන්න. හැන්ඩ්ල් බාර් එකේ අගුලු වැටුණු බව තහවුරු කරගත් පසු යතුර ඉවත් කරන්න.
  • අන්ලොක් කිරීම: යතුර වාමාවර්තව කරකවන්න, හැන්ඩ්ල් බාර් එක ටිකක් හරවන්න, මෙහිදී අගුල ඉවත්වනු ඇත.
  • ග්ලවු බොක්ස් අගුල (Glove Box Lock)

ග්ලවු බොක්ස් එක අගුළු ඇරීමට, යතුර ඇතුළු කර දක්ෂිණාවර්තව (clockwise) හා අගුළු දැමීමට ප්‍රතිවිරුද්ධ දිශාවට (anti-clockwise) කරකවන්න.

 

-ටූල් බොක්ස් අගුල (Tool Box Lock) 

ටූල් බොක්ස් එක අගුළු ඇරීමට යතුර ඇතුළු කර දක්ෂිණාවර්තව (clockwise) හා අගුළු දැමීමට ප්‍රතිවිරුද්ධ දිශාවට (anti-clockwise) කරකවන්න.

 

-සයිඩ් ෆිලින් ඩෝ අගුල  (Side Filling Door Lock)  (පෙට්‍රල් ත්‍රීරෝද රථ සඳහා)

ටැංකියේ පෙට්‍රල් පිරවීම සඳහා, අගුළු දැමිය හැකි කවරය විවෘත කරන්න. අගුල විවෘත කිරීම සඳහා යතුර ඇතුළු කර එය ප්‍රතිවිරුද්ධ දිශාවට කරකවන්න (anti-clockwise). දොර අගුළු දැමීම සඳහා යතුර ඇතුළු කර එය දක්ෂිණාවර්තව (clockwise) කරකවන්න.

 

-පසුපස දොර අගුල (Rear Door Lock)

පසුපස දොර අගුළු දැමීම සඳහාත් අගුලක් තිබෙනවා. එය අගුළු ඇරීමට යතුර ඇතුළු කර එය ප්‍රතිවිරුද්ධ දිශාවට (anti-clockwise) කරකවන්න. දොර අගුළු දැමීම සඳහා, පළමුව දොර සහ ත්‍රීවීලර් බොඩි එක නිසි ලෙස ගැලපෙන සේ වසා, යතුර දක්ෂිණාවර්තව (clockwise) කරකවන්න.

 

-ගෑස් පිරවුම් දොර අගුල (Gas Filling Door Lock)

ටැංකියේ ගෑස් පිරවීම සඳහා, අගුළු දැමිය හැකි කවරය විවෘත කරන්න. අගුල විවෘත කිරීම සඳහා යතුර ඇතුළු කර එය ප්‍රතිවිරුද්ධ දිශාවට (anti-clockwise) කරකවන්න. දොර අගුළු දැමීමට යතුර ඇතුළු කර එය දක්ෂිණාවර්තව (clockwise) කරකවන්න.

2.  දර්පණ (Mirrors) 

-පිටත පසුපස දර්ශන දර්පණය (Outside Rear View Mirror)

පිටත පසුපස දර්පණය නිවැරදිව සකසාගැනීමෙන් ඔබේ වාහනයේ පසුපස පැති දැකගැනීමේ හැකියාව ලැබෙනවා.

 

3. හැන්ඩ්ල් බාර් සහ ඩෑෂ්බෝර්ඩ් (Handle Bar and Dashboard) 

-බැටරි චාර්ජින් ඉන්ඩිකේටර් (Battery Charging Indicator)

 

ඉග්නිශන් ස්විච “ON” ලෙස මාරු කළ විට මෙම බල්බය දැල්වෙනු ඇති අතර ත්‍රීවීලරය ස්ටාර්ට් වූ පසු මෙය අක්‍රිය වේ.වාහනය ස්ටාර්ට් කිරීමෙන් පසුවත් මෙම ඉන්ඩිකේටරය දිගටම දැල්වෙනවා නම් බැටරිය චාර්ජ් නොවන බව නිගමනය කළ හැකියි.මෙවැනි අවස්ථාවකදී වහාම කාර්මික මහතකුගේ සහය ලබාගන්න.

-ටර්න් පයිලට් ඉන්ඩිකේටර් (Turn Pilot indicators) 

ඔබ වම් හෝ දකුණු හැරවුම් සංඥා ක්‍රියාත්මක කරන විට ටෙල් ටේල් ඉන්ඩිකේටරයෙහි කොළ පැහැති ඊතලය, හැරවුම් සංඥා ලයිට් සමඟ දැල්වෙනු ඇත. ඔබ උපද්‍රව අනතුරු ඇඟවීම (Hazard Warning Signal)  ස්විචය ක්‍රියාත්මක කරන විට, ඊතල දෙකම හැරවුම් සංඥා ලයිට් සමඟ දැල්වෙනු ඇත.

-හෙඩ්ලෑම්ප් හයි-බීම් (Headlamp Hi-beam)

ඉදිරිපස ප්‍රධාන ලාම්පුවේ හයි-බීම් ඔන් කර ඇති විට මෙම ඉන්ඩිකේටරය දැල්වෙන අතරම රියදුරුට ඒ බව අඟවනවා.

-නියුට්‍රල් (Neutral)

වාහනය ඉග්නිෂන් ස්විචය “ඔන්” කර, නියුට්‍රල් ගියරයේ ඇති විට මෙම ඉන්ඩිකේටරයෙහි බල්බය දැල්වෙනවා. වෙනත් ගියරයකට මාරු වුණු වහාම බල්බය නිවී යනවා. මෙය වාහනය ස්ටාර්ට් කරන විට සහ නැවැත්වීමේදී නියුට්‍රල් ගියරයේ ඇති බව තහවුරු කර ගැනීමට රියදුරුට උපකාරී වෙනවා.

සටහන: ත්‍රීවීලරය නියුට්‍රල් ගියරයේ පවතී නම් පමණක් ස්ටාර්ටර් මෝටරය ක්‍රියාත්මක වේ.

-පෙට්‍රල් මෝඩ් ඉන්ඩිකේටර් (Petrol mode indicator)

ඉග්නිෂන් යතුර “ON” කර ගෑස් සිලෙක්ටර් ස්විචය පෙට්‍රල් මෝඩ් එකෙහි ඇති විට මෙම ඉන්ඩිකේටරය දැල්වෙනවා.

-ගෑස් මෝඩ් ඉන්ඩිකේටර් (Gas mode indicator)

ඉග්නිෂන් යතුර “ON” කර ගෑස් සිලෙක්ටර් ස්විචය වාහනයට අදාළ ලෙස CNG හෝ LPG හි ඇති විට මෙම ඉන්ඩිකේටරය දැල්වෙනවා.

-ගෑස් ලෙවල් ඉන්ඩිකේටර් (Gas Level Indicator)

ටෙල් ටේල් ඉන්ඩිකේටරයෙහි ඇති LED ලාම්පු මඟින් ටැංකියේ ගෑස් මට්ටම පෙන්වනවා. ටැංකිය පිරී ඇති සෑම අවස්ථාවකම LED ලාම්පු දැල්වෙනු ඇත. ටැංකියේ ගෑස් මට්ටම පහත වැටෙන විට විදුලි බල්බ එකින් එක නිවෙනු ඇත. ගෑස් පිරවීමට අවශ්‍ය සෑමැ විටකදීම R ලයිට් එක දැල්වෙනවා.

-හැන්ඩ්ල් එකේ වම් පස ස්විච

සයිඩ් ඉන්ඩිකේටර් ස්විචය: මෙහි ස්ථාන 3 ක් තිබෙනවා.

  • සෙන්ටර්/ center : සියලුම සයිඩ් ඉන්ඩිකේටර් බල්බ් “OFF” වේ.
  • වම් පස/ LH: ඉදිරිපස සහ පසුපස, වම් පැත්තේ සයිඩ් ඉන්ඩිකේටර් බල්බ් සහ වම් පැත්තේ ටර්න් පයිලට් ඉන්ඩිකේටර් දැල්වෙනු ඇත.
  • වම් පස/ RH: ඉදිරිපස සහ පසුපස, දකුණු පැත්තේ සයිඩ් ඉන්ඩිකේටර් බල්බ් සහ දකුණු පැත්තේ ටර්න් පයිලට් ඉන්ඩිකේටර් දැල්වෙනු ඇත.

ඩිපර් ස්විචය: මෙම ස්විචයට ස්ථාන දෙකක් තිබෙනවා.

  • හයි බීම් (Hi beam)
  • ලෝ බීම් (Low beam)
  • හැන්ඩ්ල් එකේ දකුණු පස ස්විච

ON / OFF ස්විචය ON ස්ථානයේ ඇති විට,

ලයිට් ස්විචය: එහි පහත ස්ථාන 3 දක්නට ලැබෙනවා.

0: හෙඩ් සහ පයිලට් ලයිට් “OFF”

1: පාර්කින් සහ ටේල් ලයිට් “ON” වේ.

2: හෙඩ්, ටේල් සහ පාර්කින් ලයිට් “ON” වනු ඇත. ස්විචය හයි බීම් ස්ථානයේ පවතී නම් හයි බීම් ඉන්ඩිකේටරයද “ON” වේ.

 

වයිපර් මෝටර් ස්විචය: එයට ස්ථාන 2 ක් තිබෙනවා.

 

ON: වයිපර් මෝටරය “ON” 

OFF: වයිපර් මෝටරය “OFF”

නළා/ හෝර්න් බොත්තම: හෝර්න් එක ශබ්ද කිරීම සඳහා මේ බොත්තම තිබෙනවා.

  • ඉග්නිෂන් පාර්කින් ස්විචය
  • එය ඩෑෂ්බෝර්ඩ් එකේ පිහිටා තිබෙනවා.
  • යතුර ඇතුළු කර එය ක්‍රියාත්මක කිරීම සඳහා එය දක්ෂිණාවර්තව (clockwise) කරකවන්න.
  • එයට ස්ථාන 4 ක් ඇතුළත් වනවා:

OFF: සියලුම විදුලි පරිපථ “OFF” වේ.

ON: පාර්කින් හා උපද්‍රව පරිපථ (hazard circuit) හැර සියලුම විදුලි පරිපථ “ON” වේ.

පාර්කින්/ Parking: පාර්කින් හා උපද්‍රව ක්‍රියාකාරිත්ව (hazard operation) ක්‍රියාත්මක වේ.

ස්ටාර්ට්/ Start: යතුර මෙම ස්ථානයේ තබා ගැනීමෙන් පසුව ස්ටාර්ටර් මෝටරය ආරම්භ වනවා.

 

-හසාර්ඩ් සහ ස්ටීරියෝ ස්විච

 

  1. උපද්‍රව අනතුරු ඇඟවීමේ ස්විචය (Hazard Warning Switch)

හදිසි අවස්ථාවකදී මෙම ස්විචය ක්‍රියාත්මක කළ යුතුයි. එමඟින් ඉන්ඩිකේටර් ලයිට් 4 ම එකවර ක්‍රියාත්මක කරනවා. ටර්න් පයිලට් ඉන්ඩිකේටර් දෙකම එකවර ක්‍රියාත්මක වනවා. උපද්‍රව ස්විචය ක්‍රියාත්මක කිරීම සඳහා යතුරු ස්විචය ඔන් හෝ පාර්කින් ස්ථානවලින් එකක තිබිය යුතුයි. 

ස්ටීරියෝ ස්විචය:

ත්‍රීවීලර් එකේ ස්ටීරියෝ සඳහාත් ස්විචයක් ලබා දී තිබෙනවා.

– සිලෙක්ටර් ස්විචය (Selector Switch)

ගෑස් මඟින්ද ගමන් කළ හැකි ත්‍රීවිලර් සඳහා මෙම ස්විචය ඩෑෂ්බෝර්ඩ් එකේ දක්නට ලැබෙනවා. ගෑස් සහ පෙට්‍රල් සැපයුම පාලනය සඳහා ඉදිරිපස සිලෙක්ටර් ස්විචය සපයා තිබෙනවා. එයට ස්ථාන 3 ක් තිබෙනවා.

  1. ගෑස් (Gas) : වාහනය ගෑස් මඟින් ධාවනය වේ.
  2. Off : ගෑස් සහ පෙට්‍රල් යන දෙකම අක්‍රිය වේ.
  3. පෙට්‍රල් (Petrol) : වාහනය පෙට්‍රල් මඟින් ධාවනය වේ.

|

ත්‍ර්‍රීරෝද රථයක් විකිණීම සඳහා – https://www.careka.lk/tukeka/dashboard

ත්‍රීරෝද රථයක් මිලදී ගැනීම සඳහා – https://www.careka.lk/tukeka/search?make=0&model=0#results

Facebook – https://www.facebook.com/tukeka.lk

Leave a Reply

Your email address will not be published. Required fields are marked *